اقتوبە قالاسىندا «AKTOBEINVEST-2013» ءبىرىنشى حالىقارالىق ينۆەستيتسيالىق فورۋمى ءوتتى. فورۋمدى يندۋستريا جانە جاڭا تەحنولوگيالار مينيسترلىگىنىڭ جانە وڭىرلىك دامۋ مينيسترلىگىنىڭ قولداۋىمەن وبلىس اكىمدىگى ۇيىمداستىردى. فورۋمنىڭ ماقساتى وبلىسقا ينۆەستورلاردى تارتۋ ءۇشىن ءوڭىردىڭ الەۋەتتى ينۆەستيتسيالىق ءمۇمكىندىكتەرىن كورسەتەتىن كەڭ كولەمدى اقپاراتتاندىرۋ بولىپ تابىلادى. باعدارلاما شەڭبەرىندە «ەۋروپا-ازيا. شەكاراسىز ىنتىماقتاستىق» اتتى XII حالىقارالىق ونەركاسىپتىك كورمە, فورۋمنىڭ پلەنارلىق وتىرىسى, اقتوبە وبلىسىنىڭ ينۆەستيتسيالىق الەۋەتىنىڭ تۇساۋكەسەرى ۇيىمداستىرىلدى.
اقتوبە قالاسىندا «AKTOBEINVEST-2013» ءبىرىنشى حالىقارالىق ينۆەستيتسيالىق فورۋمى ءوتتى. فورۋمدى يندۋستريا جانە جاڭا تەحنولوگيالار مينيسترلىگىنىڭ جانە وڭىرلىك دامۋ مينيسترلىگىنىڭ قولداۋىمەن وبلىس اكىمدىگى ۇيىمداستىردى. فورۋمنىڭ ماقساتى وبلىسقا ينۆەستورلاردى تارتۋ ءۇشىن ءوڭىردىڭ الەۋەتتى ينۆەستيتسيالىق ءمۇمكىندىكتەرىن كورسەتەتىن كەڭ كولەمدى اقپاراتتاندىرۋ بولىپ تابىلادى. باعدارلاما شەڭبەرىندە «ەۋروپا-ازيا. شەكاراسىز ىنتىماقتاستىق» اتتى XII حالىقارالىق ونەركاسىپتىك كورمە, فورۋمنىڭ پلەنارلىق وتىرىسى, اقتوبە وبلىسىنىڭ ينۆەستيتسيالىق الەۋەتىنىڭ تۇساۋكەسەرى ۇيىمداستىرىلدى. فورۋمنىڭ جۇمىسىنا پرەمەر-ءمينيستردىڭ ورىنباسارى – يندۋستريا جانە جاڭا تەحنولوگيالار ءمينيسترى اسەت يسەكەشەۆ, «قازاقستان تەمىر جولى» ۇك» اق پرەزيدەنتى اسقار مامين, ورتالىق جانە جەرگىلىكتى اتقارۋشى ورگانداردىڭ وكىلدەرى, «سامۇرىق قازىنا» اق, «بايتەرەك» ۇبح» اق, «قيف», «قدب» اق, «KAZNEX INVEST» اق, الەمنىڭ ءىرى كومپانيالارى – الەۋەتتى ينۆەستورلار, حالىقارالىق بانك وكىلدەرى مەن رەسەي فەدەراتسياسى ايماقتارىنىڭ باسشىلارى جانە دە اقتوبە ءوڭىرىنىڭ ونەركاسىپ جانە ينۆەستيتسيالىق كومپانيالارى, سونىمەن قاتار, پولشا دەلەگاتسياسى قاتىستى.
وسى فورۋمدا اقتوبە وبلىسىنىڭ ينۆەستيتسيالىق الەۋەتىنىڭ كورمەسى ۇيىمداستىرىلىپ, وندا ايماقتىڭ 30-دان استام ينۆەستيتسيالىق جوبالارى ۇسىنىلدى. ينۆەستيتسيالىق جوبالارمەن تانىسقاننان كەيىن فورۋم جۇمىسى باستالدى. فورۋمدى كىرىسپە ءسوز سويلەپ اشقان وبلىس اكىمى ارحيمەد مۇحامبەتوۆ ەلباسى نۇرسۇلتان نازارباەۆتىڭ ەل ەكونوميكاسىن دامىتۋدىڭ تەگەۋرىندى تەتىگى ينۆەستيتسيا تارتۋ ەكەنىن ۇدايى نازاردا ۇستاپ كەلە جاتقانىنا توقتالا كەلىپ, بۇل شارانىڭ الىس-جاقىن شەتەلدەرمەن ەكونوميكالىق بايلانىستى نىعايتۋدىڭ, ينۆەستيتسيا تارتۋدىڭ ۇنقاتىسۋ الاڭى بولىپ وتىرعانىن جەتكىزدى.
ەكونوميكالىق جيىنعا جينالعاندار الدىندا پرەمەر-ءمينيستردىڭ ورىنباسارى – يندۋستريا جانە جاڭا تەحنولوگيالار ءمينيسترى اسەت يسەكەشەۆ ءسوز سويلەپ, مۇنداي شارالاردىڭ بىرنەشە ايماقتاردا وتكىزىلگەنىن باياندادى. ينۆەستورلاردى تارتۋ ارقىلى ەكونوميكالىق دامۋعا سەرپىن بەرىلەتىنىن, جاڭا جۇمىس ورىندارى اشىلاتىنىن, ءوزارا ءتيىمدى بايلانىس ورناتىلاتىنىن, سوندىقتان الىس-جاقىن شەتەلدەردەن ينۆەستيتسيا تارتۋمەن بىرگە, ءوزىمىزدىڭ كومپانيالاردىڭ دا ءوز ونىمدەرىنىڭ كەمىندە 10-20 پايىزىن ەكسپورتقا شىعارۋعا بەيىمدەلۋى قاجەتتىگىن ەسكە سالا كەتتى.تاۋەلسىزدىك جىلدارى 160 ميلليارد اقش دوللارى كولەمىندە ينۆەستيتسيا تارتىلسا, سوڭعى ءتورت جىلدا عانا بۇل كورسەتكىشتىڭ 80 ميلليارد اقش دوللارىن قۇراعانىن مىسالعا كەلتىردى. ەلىمىزدە اقش-تىڭ, جاپونيانىڭ, گەرمانيانىڭ, قىتايدىڭ, رەسەيدىڭ جانە باسقا ەلدەردىڭ ءىرى كومپانيالارى جۇمىس ىستەپ جاتقانىنا توقتالدى. كاسىپكەرلىكتى دامىتۋدا «بيزنەستىڭ جول كارتاسى-2020» مەملەكەتتىك باعدارلاماسىنىڭ ءتيىمدى بولىپ وتىرعانىن, تەحنولوگيا ساتىپ الۋعا گرانتتار بولىنەتىنىن, ۇزاق مەرزىمدى تاپسىرىستار بويىنشا جۇمىستار جۇرگىزىلىپ جاتقانىن, كەدەندىك تولەمدەردەگى جەڭىلدىكتەردى جاعىمدى جاڭالىق رەتىندە باعالادى. ودان كەيىن ءسوز العان «قازاقستان تەمىر جولى» ۇك» اق پرەزيدەنتى اسقار مامين كومپانيا جۇزەگە اسىرىپ جاتقان ينۆەستيتسيالىق جوبالارعا توقتالدى, ورىنبور وبلىسىنىڭ گۋبەرناتورى يۋري بەرگ پەن پولشا رەسپۋبليكاسىنىڭ قازاقستانداعى توتەنشە جانە وكىلەتتى ەلشىسى ياتسەك كليۋچكوۆسكي ەكونوميكالىق ينتەگراتسيالىق بايلانىستاردى نىعايتۋدىڭ مۇمكىندىكتەرى مول ەكەندىگىن ناقتىلاي ءتۇستى. وبلىس اكىمىنىڭ ءبىرىنشى ورىنباسارى نۇرمۇحامبەت ابدىبەكوۆ اقتوبە ءوڭىرىنىڭ ينۆەستيتسيا تارتۋدا تابىسقا جەتەتىندەي تابيعي الەۋەتىنە توقتالدى. وبلىستا جۇزەگە اسىرىلىپ جاتقان ينۆەستيتسيالىق جوبالاردى تاراتا اڭگىمەلەپ, بولاشاق ينۆەستورلار قىزىعاتىنداي دەرەكتەر كەلتىردى.
سونداي-اق, اسەت يسەكەشەۆ «قازحروم»تۇك» اق فيليالى – اقتوبە فەرروقورىتپا زاۋىتىنىڭ اۋماعىندا جاڭادان سالىنىپ جاتقان زاماناۋي زاۋىت قۇرىلىسى بارىسىمەن تانىستى. كومپانيا پرەزيدەنتى ۆيكتور ءتيلدىڭ مالىمدەۋىنشە, بۇل كاسىپورىننىڭ ەكى پەشى جىل اياعىنا دەيىن پايدالانۋعا بەرىلىپ, الداعى جىلى تولىق قۋاتىنا شىعاتىن بولادى.
فورۋم اياسىندا جالپى سوماسى 2,0 ملرد. اقش دوللارىنان استام قارجى بولاتىن بۇرىن كەلىسىلگەن كەلىسىمشارتتار بەكىتىلدى. سونداي-اق, جالپى سوماسى 1,0 ملرد. اقش دوللارى بولاتىن 60-تان استام ونىمدەردى ءتيىمدى جەتكىزۋ تۋرالى الدىن الا كەلىسىمشارتتار جاسالدى.
ساتىبالدى ءساۋىرباي,
«ەگەمەن قازاقستان».
اقتوبە وبلىسى.
