انىقتالعان بۇزۋشىلىقتار جويىلعانعا دەيىن يران تۋىن كوتەرىپ تۇرعان 1 كەمەگە پورتتان شىعۋعا تىيىم سالىنعان.
"كەمەلەردى تەكسەرۋ بارىسىندا بۇزۋشىلىقتاردى جويۋ تۋرالى 1 ۇيعارىم بەرىلدى. تەكسەرۋ قورىتىندىسى بويىنشا 9 اكىمشىلىك قۇقىق بۇزۋشىلىق انىقتالىپ, 137 858 تەڭگەگە ايىپپۇل سالىندى. سونىمەن قاتار, بيىلعى 5 ايدا اۋماقتىق ورگاندار پايدالانۋداعى وزەن كەمەلەرىنە 79 تەكسەرۋ جۇرگىزدى. ولاردىڭ ناتيجەلەرى بويىنشا 25 ۇيعارىم بەرىلدى. كەمە رەەسترىندە بارلىعى 759 وزەن كەمەسى تىركەلگەن. سونداي-اق, وسى كەزەڭدە وزەن فلوتىنىڭ كوماندالىق قۇرامىنىڭ 45 تۇلعاسىنا ديپلوم بەرىلىپ, 14 تۇلعاسى اتتەستاتتالعانىن اتاپ ءوتۋ قاجەت. سونىمەن قاتار, جىل باسىنان بەرى رەسپۋبليكا بويىنشا 319 شاعىن ولشەمدى كەمە تىركەلگەن. اعىمداعى جىلدىڭ 5 ايىنىڭ قورىتىندىسىندا شاعىن ولشەمدى فلوتتا اۋماقتىق ورگاندار 268 كەمەنى قاراپ شىقتى. جالپى, وسى مەرزىمدە سۋ كولىگى سالاسىندا 5 كولىك وقيعاسى تىركەلدى, ونىڭ ىشىندە 2 تەڭىز جانە 3 شاعىن ولشەمدى فلوتتا بولدى. سونداي-اق, سۋ كولىگىندە باقىلاۋدى جۇزەگە اسىرۋ كەزىندە 66 اكىمشىلىك قۇقىق بۇزۋشىلىق انىقتالىپ, 527 542 تەڭگە كولەمىندە ايىپپۇل سالىنىپ, ءوندىرىپ الىندى", - دەلىنگەن ۆەدومستۆانىڭ ءباسپاسوز قىزمەتى تاراتقان مالىمەتتە.
