استانا مەديتسينا ۋنيۆەرسيتەتىندە «تۇماۋ – تەز تارالاتىن جۇقپالى ينفەكتسيا جانە ونىڭ اسقىنۋى: سىرقاتتى انىقتاۋ, الدىن الۋ جانە ەمدەۋ» اتتى عىلىمي مەتوديكالىق كونفەرەنتسيا ءوتتى. بۇل عىلىمي كونفەرەنتسيا دەنساۋلىق ساقتاۋ سالاسىنا بارلىق سانالى عۇمىرىن ارناپ, ناعىز كەمەل شاعىندا بيىل كەنەتتەن قايتىس بولعان مەديتسينا عىلىمدارىنىڭ دوكتورى, پروفەسسور گ.الشىنباەۆانىڭ وسى سالاداعى اشقان عىلىمي جەتىستىكتەرىنە ارنالدى.
استانا مەديتسينا ۋنيۆەرسيتەتىندە «تۇماۋ – تەز تارالاتىن جۇقپالى ينفەكتسيا جانە ونىڭ اسقىنۋى: سىرقاتتى انىقتاۋ, الدىن الۋ جانە ەمدەۋ» اتتى عىلىمي مەتوديكالىق كونفەرەنتسيا ءوتتى. بۇل عىلىمي كونفەرەنتسيا دەنساۋلىق ساقتاۋ سالاسىنا بارلىق سانالى عۇمىرىن ارناپ, ناعىز كەمەل شاعىندا بيىل كەنەتتەن قايتىس بولعان مەديتسينا عىلىمدارىنىڭ دوكتورى, پروفەسسور گ.الشىنباەۆانىڭ وسى سالاداعى اشقان عىلىمي جەتىستىكتەرىنە ارنالدى.
پروفەسسور گۇلنار الشىنباەۆانىڭ قۇرمەتىنە وتكىزىلگەن بۇل باسقوسۋعا دەنساۋلىق ساقتاۋ مينيسترلىگى عىلىم جانە ادام رەسۋرستارى دەپارتامەنتىنىڭ ديرەكتورى ا.سىزدىقوۆا, «استانا مەديتسينا ۋنيۆەرسيتەتى» اق رەكتورى م.شايداروۆ, «ەۋرازيالىق جۇقپالى اۋرۋلار قوعامى» حالىقارالىق قوعامدىق مەكەمەسىنىڭ پرەزيدەنتى يۋ.لوبزين جانە باسقا دا الىس-جاقىن شەت ەلدەردىڭ بىرقاتار تاجىريبەلى دارىگەر ماماندارى قاتىستى.
بۇكىل سانالى عۇمىرىن مەديتسيناعا ارناعان ۇستاز-دارىگەردىڭ قۇرمەتىنە وتكەن كونفەرەنتسيادا ونىڭ ەڭبەكتەرىن كورسەتكەن كورمەنى دە جيىلعان جۇرت اسقان ىجداھاتتىلىقپەن ارالاسا, مارقۇم گۇلنار الشىنباەۆانىڭ مەديتسيناعا قاتىستى وقۋ قۇرالدارى مەن پايدالى كەڭەستەردەن تۇراتىن كىتاپتارىن كونفەرەنتسياعا كەلگەن قوناقتار قىزىعا تاراتىپ الدى. پروفەسسور گ.الشىنباەۆانىڭ ورىس جانە قازاق تىلدەرىندە شىققان ەڭبەكتەرى مەن قوسالقى اۆتور رەتىندە جاريالاعان ەلەۋلى جۇمىستارى ءوز ماڭىزدىلىعىمەن ەرەكشەلەنەتىندىگى اتاپ كورسەتىلدى. باسقوسۋدىڭ عالىمنىڭ قۇرمەتىنە وتكىزىلۋى دە ونىڭ وسى سالاعا سىڭىرگەن ەڭبەكتەرىن باعالاعاندىق بولسا كەرەك.
تاجىريبەلى دارىگەرلەر ءوز پىكىرلەرىن ورتاعا سالعان كونفەرەنتسيانىڭ نەگىزگى ماقساتتارى قاتارىندا ەلىمىزدە جۇقپالى اۋرۋلاردى ەمدەۋدىڭ زاماناۋي ادىستەرىن دەنساۋلىق ساقتاۋ تاجىريبەسىنە ەنگىزۋ ماسەلەلەرى قارالدى. قاشاندا العاشقى ورىندا تۇراتىن ادام دەنساۋلىعى بۇل وتىرىستىڭ دا وزەگىنە اينالدى.
ءابدىراحمان قىدىربەك,
«ەگەمەن قازاقستان».
