وتكەن سەنبىدە استانادا قازاقستان كاسىپوداقتارى فەدەراتسياسىنىڭ ۇيىمداستىرۋىمەن, مادەنيەت جانە اقپارات مينيسترلىگى, ەڭبەك جانە حالىقتى الەۋمەتتىك قورعاۋ مينيسترلىگى, استانا قالاسى اكىمدىگىنىڭ قولداۋىمەن كاسىپوداقتار كۇنى كەڭىنەن اتالىپ ءوتتى.
وتكەن سەنبىدە استانادا قازاقستان كاسىپوداقتارى فەدەراتسياسىنىڭ ۇيىمداستىرۋىمەن, مادەنيەت جانە اقپارات مينيسترلىگى, ەڭبەك جانە حالىقتى الەۋمەتتىك قورعاۋ مينيسترلىگى, استانا قالاسى اكىمدىگىنىڭ قولداۋىمەن كاسىپوداقتار كۇنى كەڭىنەن اتالىپ ءوتتى.
كاسىپوداقتار فەدەراتسياسى عيماراتىنىڭ الدىندا قالا تۇرعىندارى مەن مەيماندارى ءۇشىن ازىق-ت ۇلىك جارمەڭكەسى جۇمىس ىستەپ, ارتى ۇلكەن مەرەكەلىك شاراعا ۇلاستى. ونەرپازدار كونتسەرت قويىپ, سپورتتىق جارىستار ۇيىمداستىرىلدى. سونىمەن قاتار, حالىققا تاراتىلعان ۇتىس لوتەرەيالارى وينالىپ, جەڭىمپازدار توڭازىتقىش پەن تەلەديدارعا, باسقا دا كوپتەگەن باعالى سىيلىقتارعا يە بولدى.
وسى شارا اياسىندا قازاقستان كاسىپوداقتارى فەدەراتسياسىنىڭ توراعاسى ادىلعازى قۇسايىنوۆ شاراعا وبلىستاردان شاقىرىلعان دەلەگاتتارمەن دوڭگەلەك ءۇستەل باسىندا كەزدەسىپ, كاسىپوداقتاردىڭ قازىرگى جاعدايى مەن بولاشاق دامۋ بارىسى تۋرالى ۇلكەن اڭگىمە قوزعالدى. «كاسىپوداقتار تۋرالى» زاڭ جوباسىنىڭ ازىرلەنىپ, پارلامەنت تالقىلاۋىنا ۇسىنىلعاندىعى, بۇل زاڭ قابىلدانعان كەزدە كاسىپوداقتاردىڭ دامۋىنا ۇلكەن قوزعاۋ سالاتىندىعى ايتىلدى.
وسى شاراعا وڭىرلەردەن كەلگەن دەلەگاتتار ءوز ويلارىن ورتاعا سالدى. ولار مۇنداي شارانىڭ كوپ جىلداردان بەرى ءبىرىنشى رەت كەڭ كولەمدە ۇيىمداستىرىلىپ وتىرعاندىعىن ايتىپ, وسى ىسكە مۇرىندىق بولعان قازاقستان كاسىپوداقتارى فەدەراتسياسىنا ۇلكەن العىستارىن ءبىلدىردى.
مەن «قازاقستان تەمىر جولى» اق-تىڭ باتىس فيليالىندا ەلەكتر مەحانيگى بولىپ قىزمەت ەتەمىن. ءبىزدىڭ ۇجىمدا 1200 ادام بار. اتىراۋدا, اقتاۋدا بولىمشەلەرىمىز جۇمىس ىستەيدى. بىزدە كاسىپوداق جۇمىسى جاقسى جولعا قويىلىپ كەلەدى. جۇمىس بەرۋشىمەن ارادا ۇجىمدىق شارت جاسالعان. وسىعان سايكەس ۇجىم جۇمىسشىلارىنا بىرقاتار الەۋمەتتىك كومەكتەر ۇسىنىلىپ وتىر. جۇمىسشىلاردىڭ جانە ولاردىڭ بالالارىنىڭ دەمالىسىنا قولايلى جاعدايلار تۋعىزىلعان. ەڭبەك قاۋىپسىزدىگىنىڭ ماسەلەسى ۇجىمدىق شارتتا ەسكەرىلگەن. وسىنىڭ بارلىعى ەلىمىزدە كاسىپوداق قوزعالىسىنىڭ ءورىس الا تۇسكەندىگىن بىلدىرەدى, – دەدى مەرەكەلىك شارانى اتاپ ءوتۋ ءۇشىن ەلىمىزدىڭ باتىس وڭىرىنەن كەلگەن قايرات ءالي ۇلى. ول ءوزىنىڭ كاسىپوداق تاراپىنان وتكىزىلىپ وتىرعان مۇنداي شاراعا ءبىرىنشى رەت قاتىسىپ وتىرعاندىعىن ايتىپ, وسىعان بايلانىستى قازاقستان كاسىپوداقتارى فەدەراتسياسىنىڭ باسشىلىعىنا العىسىن ءبىلدىردى.
سۇڭعات ءالىپباي,
«ەگەمەن قازاقستان».
