وبلىس ورتالىعىندا «العاشقى ۇستازىم» اتتى ەسكەرتكىش اشىلعان بولاتىن. ەندى وقۋشىلار, ۇستازدار, ستۋدەنتتەر, جۇرتشىلىق ۇستازدار مەرەكەسى كۇنى وسى ەسكەرتكىشكە گۇل شوقتارىن قويىپ, قولدارىنا قالام ۇستاتقان اياۋلى جاندارعا قۇرمەت كورسەتەدى. بيىل دا سول ومىرشەڭ ءداستۇر جالعاسىن تاپتى.
وبلىس ورتالىعىندا «العاشقى ۇستازىم» اتتى ەسكەرتكىش اشىلعان بولاتىن. ەندى وقۋشىلار, ۇستازدار, ستۋدەنتتەر, جۇرتشىلىق ۇستازدار مەرەكەسى كۇنى وسى ەسكەرتكىشكە گۇل شوقتارىن قويىپ, قولدارىنا قالام ۇستاتقان اياۋلى جاندارعا قۇرمەت كورسەتەدى. بيىل دا سول ومىرشەڭ ءداستۇر جالعاسىن تاپتى.
مەرەكە قارساڭىندا قازاق ءتىلى مەن ادەبيەتى ءپانى مۇعالىمدەرىنىڭ العاشقى فورۋمى ءوتتى. فورۋمعا قاراعاندى, شىعىس قازاقستان وڭىرلەرىنەن 400-گە جۋىق مۇعالىم كەلدى. شارا بارىسىندا ۇستازدار قازاق ءتىلى مەن ادەبيەتىن وقۋدىڭ زاماناۋي ءادىس-تاسىلدەرىن ورتاعا سالا وتىرىپ, پىكىر الماستى.
جيىنعا قاتىسقان وبلىس اكىمى ەرلان ارىن: «ءبىز – ەڭ الدىمەن, دەننىڭ ساۋلىعىنان كەيىن ءتىلدىڭ ساۋلىعىن تىلەيتىن حالىقپىز. وقۋشىلار ءوز ماماندىعى رەتىندە ماتەماتيكانى, فيزيكانى نەمەسە بيولوگيانى تاڭداسا دا, ءتىلسىز ەشقايدا بارا المايدى. قازىر قازاق ءتىلىن دامىتۋدىڭ جاڭا تەحنولوگياسىن پايدالانۋدى جولعا قويدىق. ەكىنشىدەن, ارالاس مەكتەپتەردىڭ ۋاقىتى ءوتتى. سونداي-اق, قازاق ءتىلى مەن ادەبيەتى جانە تاريح پاندەرى كابينەتتەرىنىڭ جابدىقتالۋى بارلىق تالاپتارعا ساي, وزگەدەن ەرەكشە بولۋى ءتيىس. سول ارقىلى, وقۋشىلاردىڭ قازاق تىلىنە دەگەن قىزىعۋشىلىعىن وياتا الامىز», – دەدى.
ەستاي اتىنداعى مادەنيەت سارايىندا مۇعالىمدەر كۇنىنە ارنالعان مەرەكە ءوتتى. ونىڭ اياسىندا «مەنىڭ العاشقى ۇستازىم!», «ۇستاز, شاكىرتتى تاربيەلە», «مەيىرىمدى جۇرەك», «جىل مۇعالىمى-2013», «جىل تاربيەشىسى» – 2013» وبلىستىق بايقاۋلاردىڭ قورىتىندىسى جاريالاندى.
ۇستازدار كۇنىنە ارنالعان كەلەسى شارا «جاس ۇستازداردىڭ قۇرىلتايى» ەدى. قۇرىلتايعا وبلىستىڭ اۋىل-قالالارىنان 300 جاس مۇعالىم قاتىستى. فورۋمدا پەداگوگيكالىق ۇجىمدا كورپوراتيۆتىك مادەنيەتتى قالىپتاستىرۋ پروبلەمالارى, جاس پەداگوگتاردى بەيىمدەۋ جانە قولداۋداعى كاسىپوداق ۇيىمدارىنىڭ ءرولى, وتباسى جانە مەكتەپتىڭ ءوزارا بايلانىسىن قامتاماسىز ەتۋ, كاسىبي تاڭداۋ, ونى ىسكە اسىرۋ ماسەلەلەرى قارالدى. بۇل كۇندەرى جاس ۇستازعا تالاپ جوعارى. ەلىمىزدە جۇزەگە اسىپ جاتقان «ديپلوممەن – اۋىلعا!» باعدارلاماسىنىڭ شاپاعاتى مول بولىپ تۇرعانىن ايتا كەتسەك دەيمىز.
فاريدا بىقاي,
«ەگەمەن قازاقستان».
پاۆلودار وبلىسى.
