ماجىلىستەن كەيىن باس ءمۇفتي ءماشھۇر ءجۇسىپ اتىنداعى ورتالىق مەشىتتە وبلىسى وكىلدىگىنە قاراستى قالا, اۋدان يمامدارىمەن كەزدەسۋ وتكىزدى.
جەرگىلىكتى مەشىتتىڭ جۇرتشىلىقپەن بايلانىس ءبولىمىنىڭ جەتەكشىسى امانتاي تويشىبايدىڭ ايتۋىنشا, بۇل كەزدەسۋ ء"بىلىم تۇرعان جەردە يمان تۇرادى" تاقىرىبىندا ءوتتى.
باس ءمۇفتي ءداستۇرلى يسلام ءدىنىن حالىققا ناسيحاتتاۋ ءۇشىن, جاستارعا ۇلگى بولۋ ءۇشىن " ۇلى بابالار جولى" دەگەن باعىتتا وسىنداي رۋحاني جۇمىستى باستالعانىنا توقتالدى.
ءبىلىمنىڭ ماڭىزى, ءبىلىمدى ادامداردىڭ سيپاتى, ءبىلىم-يماننىڭ, كىشىپەيىلدىكتىڭ, كوركەم مىنەزدىڭ, مەيىرىمدىلىكتىڭ ساۋىتى ەكەندىگى جايلى رۋحاني اڭگىمە ءوربىتتى.
ال, وڭىردەگى قالا, اۋدان يمامدارىنا ءدىنىمىزدى ناسيحاتتاۋ جولىنداعى ساۋاپتى قىزمەتتەرىنە تابىس تىلەدى. سونداي-اق, يمامدار تاراپىنان ايتىلعان سۇراقتارىعا جاۋاپ بەردى.
كەزدەسۋ سوڭىندا الەمگە, ەلىمىزگە, قاسيەتتى ءدىنىمىزدىڭ كوركەيۋىنە باعىشتالعان باتا-تىلەكتەر ايتىلدى.
"بابالاردىڭ ءومىر جولىنان ۇلگى الىپ, جاستارعا تانىستىرعىمىز كەلەدى. وسى جەردە بەكىتىلگەن ءپاتۋالار, شىعارىلعان شەشىمدەر ەسكەرىلەدى دەگەن ويدامىن", - دەيدى.
ال, عۇلامالار ماجىلىسىندە قابىلدانعان قۇجاتتار مەن ءپاتۋالار كەيىن كەڭ كولەمدە جارىققا شىعارىلىپ, ەلىمىزدەگى مەشىتتەردىڭ قىزمەتكەرلەرىنە بەرىلەدى.
پاۆلودار
