قۇقىق قورعاۋ ۇيىمدارىنىڭ وكىلدەرى كارانتينگە بايلانىستى بارلىق سانەپيدەميولوگيالىق شارالاردى ساقتاي وتىرىپ, ماڭعىستاۋ وبلىسىنداعى كولونياعا باردى. بۇدان بۇرىن, ماڭعىستاۋ وبلىسى بويىنشا قاج دەپارتامەنتىنىڭ گم-172/6 مەكەمەسىنىڭ جانىندا وسى مەكەمەگە اسكەر ەنگىزىپ, سوتتالعانداردى ۇرعان دەگەن سىبىستارمەن ءبىر توپ تۋىستارىنىڭ جينالعانى حابارلانعان بولاتىن. بەينەجازباعا تۇسىرە وتىرىپ, ۇلتتىق الدىن الۋ تەتىگىنىڭ وكىلى سوتتالعانداردان مەكەمەگە اسكەردىڭ ەنگىزىلگەنى تۋرالى سۇراستىرىپ, بۇل سۇراعىنا سوتتالعاندار تەرىسكە شىعارىپ جاۋاپ بەرگەن. قۇقىق قورعاۋ ۇيىمدارىنىڭ وكىلدەرى اسحاناعا, دەمالىس كلۋبىنا, جاتىن بولمەلەرگە باردى. ءاربىر ءۇي-جايدا سوتتالعاندارمەن سويلەسىپ, وزدەرىنىڭ جازاسىن قانداي جاعدايدا وتەيتىندەرى تۋرالى تولىق سۇراقتار قويىلدى. ارالاۋدان كەيىن, ۇات وكىلدەرى تۋىستارى مەكەمەنىڭ جانىنا جينالعان ءاربىر سوتتالعاندارمەن اڭگىمەلەستى. ولاردىڭ ارقايسىسىنان, ولاردى قىزمەتكەرلەر نەمەسە سوتتالعاندارمەن تاراپىنان ۇرىپ-سوعۋدىڭ ورىن العاندىعى, الدە الماعاندىعى جايلى سۇرالدى.
سونداي-اق اڭگىمەگە بۇدان بۇرىن تەلەارنادا كورسەتىلگەن ۆيدەوۇندەۋ جاساعان سوتتالعان ادام دا شاقىرتىلدى. قۇقىققورعاۋشىلار كىنالى ادامداردى جازالاۋدىڭ بۇلتارتپاستىعى تۋرالى مالىمدەپ, ءوتىنىش جازۋدى ۇسىندى, الايدا ونىڭ ءوزىنىڭ سوزدەرىن وتىرىك دەپ تاپقان جاعدايدا جاۋاپكەرشىلىككە تارتىلاتىنى تۋرالى ەسكەرتتى. قۇقىققورعاۋشىلاردىڭ بۇل ۇسىنىسىنا سوتتالۋشى باس تارتۋمەن جاۋاپ بەردى.
سونىمەن قاتار, مەكەمە وكىلدەرى دە وسى دەرەك بويىنشا سوتتالعاننىڭ اعاسىنىڭ ارىزى بويىنشا قىلمىستىق ءىس قوزعالعاندىعىن ايتتى. قازىر بۇل ماتەريال ودان ءارى پروتسەسسۋالدىق انىقتاۋ ءۇشىن وبلىستىق پروكۋراتۋرادا. ارالاۋدان كەيىن, ماڭعىستاۋ وبلىسى بويىنشا قىلمىستىق - اتقارۋ جۇيەسى دەپارتامەنتى عيماراتىندا, ارالاۋ كەزىندەگى بەينەجازبانى كورسەتە وتىرىپ سوتتالعانداردىڭ تۋىستارىمەن كەزدەسۋ ءوتىپ, تۋىنداعان سۇراقتارىنا جاۋاپتار بەرىلدى.
ماڭعىستاۋ وبلىسى
