ايماقتار • 13 ماۋسىم، 2020

الماتىدا ينتەرناتتاردىڭ قىزمەت ساپاسىنا مونيتورينگ جۇرگىزىلەدى

23 رەت كورسەتىلدى

الماتى قالاسى اكىمىنىڭ ورىنباسارى ەرجان باباقۇماروۆ ۆيدەو-كونفەرەنتسيا-بايلانىس رەجيمىندە الماتى قالاسىنىڭ ينتەرناتتىق ۇيىمدارىنىڭ بارلىق باسشىلارىنىڭ قاتىسۋىمەن كامەلەتتىك جاسقا تولماعاندار مەن ولاردىڭ قۇقىعىن قورعاۋ ءىسى بويىنشا قالالىق ۆەدومستۆوارالىق كوميسسيانىڭ وتىرىسىن وتكىزدى، - دەپ حابارلايدى Egemen.kz.

وتىرىستىڭ جۇمىسىنا الماتى قالاسىنىڭ ءماسليحات دەپۋتاتى شاۆكات وماروۆ، الماتى قالاسىنىڭ ءبىلىم باسقارماسىنىڭ باسشىسى ءلاززات جىلقىباەۆا، پوليتسيا پولكوۆنيگى، جەرگىلىكتى پوليتسيا قىزمەتى باسقارماسىنىڭ باسشىسى ماناپ ساتتاروۆ، "قازاقستاننىڭ بالالار ءۇيى تۇلەكتەرىنىڭ اسسوتسياتسياسى" زتۇ پرەزيدەنتى رافاەل گاسانوۆ جانە باسقالارى قاتىستى.

كوميسسيا ارنايى ينتەرناتتىق ۇيىمداردىڭ جۇمىسىن جەتىلدىرۋ، ءبىلىم سالاسىندا كورسەتىلەتىن قىزمەتتەردىڭ ساپاسىن ارتتىرۋ، بالالار ءۇيى تۇلەكتەرىنىڭ جۇمىسقا ورنالاسۋىنا جاردەمدەسۋ، قىلمىستىڭ الدىن الۋ ماسەلەلەرىن قارادى.
قالالىق ءبىلىم باسقارماسى باسشىسىنىڭ ورىنباسارى گۇلنار ايتقۇلوۆانىڭ، قوعامدىق دەنساۋلىق ساقتاۋ باسقارماسى باسشىسىنىڭ ورىنباسارى اسەل بيسەنباەۆانىڭ، الماتى قالالىق جپق يۋۆەنالدى پوليتسيا باسقارماسىنىڭ باسشىسى، پوليتسيا پودپولكوۆنيگى لەيلا الىپباەۆانىڭ باياندامالارى تىڭدالدى.

الماتىدا 18 مەكتەپ-ينتەرنات بار، ولاردا 3 640 بالا تۇرادى. 8 تۇزەتۋ مەكتەپ-ينتەرناتتارىندا 2 542 بالا تاربيلەنۋدە، ولاردىڭ اراسىندا سويلەۋ، ەستۋ كەمىستىگى بار بالالار، سونىمەن بىرگە جەتىم بالالار دا بار. بارلىق مەكەمەلەر شەبەرحانالارمەن، ويىن زالدارىمەن جانە مەديتسينالىق پۋنكتتەرمەن جاراقتاندىرىلعان. سوڭعى ءۇش جىلدا ۇيىمداردىڭ تاربيلەنۋشىلەرىنە، جەتىم بالالار مەن اتا-انا قاراۋىنسىز قالعان بالالارعا 259 پاتەر بەرىلگەن.

ءسۋيتسيدتىڭ الدىن الۋ ماقساتىندا پسيحيكالىق دەنساۋلىق ورتالىعىنىڭ نەگىزىندە پسيحولوگتاردىڭ ونلاين كەڭەس بەرۋ جۇمىسى ۇيىمداستىرىلدى. وسى كەزگە دەيىن 29 ادامعا كەڭەس بەرىلىپ، سوڭعى 4 ايدا سەنىم تەلەفونىنا قالا تۇرعىندارىنان 1035 قوڭىراۋ كەلىپ ءتۇستى، وتكەن جىلى 1209 قوڭىراۋ تۇسكەن ەدى. قوڭىراۋ شالۋشىلاردىڭ بارىنە بىلىكتى مامانداردىڭ پسيحولوگيالىق كومەگى كورسەتىلدى. سونىمەن بىرگە، ءبىلىم بەرۋ جۇيەسىنىڭ 148 مامانى وقۋ سەمينارلارىنا قاتىستى. الەۋمەتتىك پەداگوگتار، مەديتسينالىق قىزمەتكەرلەر جانە باسقا دا ماماندار اراسىنان 4 اۋداندا 206 ادام ۇيرەتۋ كۋرستارىنان ءوتتى.

الماتى قالاسىنىڭ ءبىلىم باسقارماسى جۇيەلى تۇردە ينتەرناتتىق مەكەمەلەر قىزمەتىن انىقتالعان ءتارتىپ بۇزۋشىلىقتاردى كورسەتە وتىرىپ جانە ولاردىڭ جويىلۋىن باقىلاۋ الا وتىرىپ، مونيتورينگ جۇرگىزەدى. تەكسەرۋ بارىسىندا مەملەكەتتىك ساتىپ الۋلار، ەڭبەك زاڭناماسى، سانيتارلىق جانە ءورت نورمالارىنىڭ بۇزىلۋى سىندى تارتىپبۇزۋشىلىقتار انىقتالدى.

ناتيجەسىندە انىقتالعان تارتىپبۇزۋشىلىقتاردىڭ ءبارى جويىلدى. ارنايى  (تۇزەتۋ) مەكتەپ-ينتەرناتتاردىڭ بىرقاتار ديرەكتورلارى مەن ديرەكتور ورىنباسارلارى تارتىپتىك جاۋاپكەرشىلىككە تارتىلدى.

الماتى قالاسى اكىمىنىڭ ورىنباسرى ەرجان باباقۇماروۆ بالالاردىڭ ساپالى ءبىلىم جانە تاربيە الۋى، تاماقتانۋى، مەكەمە قىزمەتكەرلەرى تاراپىنان بالالارعا دۇرىس ەمەس قاتىناس ورناتۋىن بولدىرماۋ، سونىمەن قاتار، 29 جاسقا جەتپەگەن جەتىم بالالاردى باسپانامەن قامتۋ  سىندى ماسەلەلەرگە باسا نازار اۋداردى.

"بالالار – ءبىزدىڭ بولاشاعىمىز. ينتەرناتتىق ۇيىم جەتەكشىلەرى ءبىزدىڭ بالالاردىڭ ءومىرى مەن قاۋىپسىزدىگىنە جەكە باسىمەن جاۋاپتى. تاربيلەنۋشىلەردىڭ زاڭدى قۇقىقتارى مەن مۇددەلەرىن بۇزۋ فاكتىلەرىن جاسىرۋعا مۇلدە جول بەرمەۋ كەرەك"، - دەپ اتاپ وتكەن ە.باباقۇماروۆ بىرقاتار ناقتى تاپسىرمالار بەردى.

قالالىق ءبىلىم باسقارماسى مەن ءبىلىم جەتەكشىلەرىنە ءتارتىپ بۇزۋشىلىقتاردىڭ الدىن الۋ، ينتەرناتتىق ۇيىم تۇلەكتەرىن جەتەكشىلىك جانە باسقا دا ينستيتۋتتاردى قاتىستىرا وتىرىپ جۇمىسقا ورنالاستىرۋ ماسەلەلەرى بويىنشا جۇمىستى كۇشەيتۋ تاپسىرىلدى. ءبىر اي ىشىندە جۇرگىزىلگەن جۇمىستار جانە الداعى كەزەڭدەگى اتقارىلۋى ءتيىس مىندەتتەر جونىندە قامقورلىق كەڭەسىن وتكىزۋ تاپسىرىلدى.

الماتى قالاسى بويىنشا ءبىلىم سالاسىن باقىلاۋ دەپارتامەنتى مەن قازاقستاننىڭ بالالار ءۇيى تۇلەكتەرى اسسوتسياتسياسىنا قالالىق ينتەرناتتىق ۇيىمدار كورسەتەتىن قىزمەتتەر ساپاسىنىڭ مەجەگە سايكەس بولۋى جونىندە مونيتورينگتىك كوميسسيا قۇرۋ تاپسىرىلدى. تەكسەرۋدەن بولەك، بالالار اراسىندا ساۋالناما دا جۇرگىزىلەدى. ساۋالناما جۇرگىزۋ بارىسىندا اكىمشىلىكتىڭ ارالاسۋىنا جول بەرىلمەيدى. تەكسەرىستەردىڭ ءادىل بولۋىن قامتاماسىز ەتۋ ءۇشىن ۇەۇ مەن بۇقارالىق اقپارات قۇرالدارى وكىلدەرى دە قاتىسادى.

سوڭعى جاڭالىقتار

«كيىك جاپپاي قىرىلىپ جاتىر»..

ايماقتار • بۇگىن، 14:15

پنەۆمونيادان 5 ادام قايتىس بولدى

كوروناۆيرۋس • بۇگىن، 10:00

شقو-دا تۇرعىندار ەۆاكۋاتسيالاندى

ايماقتار • 09 ءساۋىر، 2021

تاسقىن قاۋپى اۋەدەن زەرتتەلدى

ايماقتار • 09 ءساۋىر، 2021

الماتىدا تاۋ باۋرايى وتقا وراندى

ايماقتار • 09 ءساۋىر، 2021

ۇقساس جاڭالىقتار