بىرقاتار كاسىپكەرلىك وبەكتىسى جابىلىپ, بازارلاردىڭ جۇمىس ۋاقىتى قىسقارادى.
"اقتوبە وبلىسى بويىنشا شەكتەۋ شاراسى بار, ونى كۇشەيتۋگە قاۋلى قابىلداندى. سەبەبى قاراپايىم شەكتەۋ شاراسى ساقتالماي, ىندەت جۇقتىرعاندار كوبەيدى. بۇگىننەن باستاپ ينتەرنەت, كومپيۋتەر كلۋبتارى, ساياباق, سكۆەردە, ويىن-ساۋىق ورىندارىنداعى بالالاردىڭ ويىن الاڭى جۇمىسىن توقتاتتى. ءبىز 15 ماۋسىمنان باستاپ ساۋىقتىرۋ لاگەرىنە جۇمىس ىستەۋگە رۇقسات بەرىپ ەدىك, بىراق ءبارى كەيىنگە شەگەرىلدى. تۇنگى كلۋبتار مەن كاراوكە جابىلدى. بۇقارالىق شارالارعا, ەسكە الۋ كەشتەرىنە تىيىم سالىندى. قوناق شاقىرۋعا بولمايدى. كورمە, فورۋم, كونفەرەنتسيا وتكىزىلمەيدى. ساياباقتاعى تاماقتانۋ دۇڭگىرشەكتەرى جابىلدى", دەدى وبلىستىق تاۋارلار مەن كورسەتىلەتىن قىزمەتتەر ساپاسى مەن قاۋىپسىزدىگىن باقىلاۋ دەپارتامەنتىنىڭ باسشىسى نۇرسۇلۋ بەركىمباەۆا.
سونىمەن بىرگە قوعامدىق كولىك 6:00-دەن 21:00-گە دەيىن جۇرەدى. تەك جۇمىسقا بارىپ-كەلۋگە, ازىق-ت ۇلىك ساتىپ الۋعا عانا سىرتقا شىعۋعا بولادى. سەبەپسىز كوشەدە ءجۇرۋ دە توقتاۋى ءتيىس.
ء"تۇرلى تاۋار ساتاتىن, مال, كيىم-كەشەك, اۆتوكولىك, قۇرىلىس بازارلارى دۇيسەندى-بەيسەنبى ارالىعىندا 09:00-دەن 15:00-گە دەيىن, ال جۇما-جەكسەندى كۇندەرى 10:00-دەن 16:00-گە دەيىن بولادى. ازىق-ت ۇلىك دۇكەنى, سۋپەرماركەتتەر 10:00-دەن 20:00-گە دەيىن جۇمىس ىستەيدى. سوڭعى دەرەكتەر بويىنشا ادامدار بازارعا بارعان, بالالارمەن ويىن الاڭدارىندى قىدىرىپ, قوناق شاقىرعان. بۇل دۇرىس ەمەس", دەدى نۇرسۇلۋ بەركىمباەۆا.
