قازىرگى ۋاقىتتا كوپ قاباتتى ۇيلەردىڭ اۋلالارى, ادامدار كوپ شوعىرلاناتىن جەرلەر, دەمالىس پاركى, دۇكەندەر مەن ساۋدا ورىندارى جانە ايالدامالار گيپوحلوريد كالتسي ەرىتىندىسى قوسىلعان قوسپامەن دەزينفەكتسيالانۋدا.
كارانتين باستالعالى بەرى قالا اۋماعىندا 6 ميلليون شارشى مەترگە جۋىق جەرگە زالالسىزداندىرۋ جۇمىستارى جۇرگىزىلىپ, بۇعان 28 ارنايى تەحنيكا, 200-گە جۋىق قىزمەتكەر تارتىلدى.
وسى باعىتتاعى جۇمىستاردى كۇشەيتۋ ماقساتىندا وبلىس ورتالىعىندا تاعى 8 بىردەي زالالسىزداندىرۋ توننەلى ورنالاستىرىلدى. ولار ۇلكەن ساۋدا ورىندارى مەن №2 مۇراگەر مەكتەبىنىڭ اۋلاسىنا, قورقىت اتا اتىنداعى قمۋ-دىڭ عيماراتتارى جانىنا جانە قالالىق مادەني جانە دەمالىس پاركىنە قويىلدى.
