"بۇگىن قر پرەزيدەنتىنىڭ قازاقستان رەسپۋبليكاسى پارلامەنتى سەناتى دەپۋتاتتارىنىڭ كەزەكتى سايلاۋىن تاعايىنداۋ تۋرالى قاۋلىسى جاريالاندى. قر كونستيتۋتسياسىنا سايكەس, سەنات كونستيتۋتسيالىق زاڭدا بەلگىلەنگەن تارتىپپەن ءار وبلىستان, رەسپۋبليكالىق ماڭىزى بار قالادان جانە قر استاناسىنان 2 ادام وكىلدىك ەتەتىن دەپۋتاتتاردان قۇرالادى. سايلانعان سەنات دەپۋتاتتارىنىڭ جارتىسى ءار ءۇش جىل سايىن قايتا سايلانادى", دەدى وسك توراعاسى بەرىك يماشەۆ.
ونىڭ ايتۋىنشا, وسى جىلدىڭ قازان ايىندا 2014 جىلى سايلانعان سەناتتىڭ 17 دەپۋتاتىنىڭ وكىلەتتىك مەرزىمى اياقتالادى.
"سەنات دەپۋتاتتارىن جاناما سايلاۋ قۇقىعى نەگىزىندە جاسىرىن داۋىس بەرۋ ارقىلى تاڭداۋشىلار - ءماسليحات دەپۋتاتتارى سايلايدى. ولاردى ءوز كەزەگىندە رەسپۋبليكا ازاماتتارى سايلادى. وسىلايشا, ەل ازاماتتارى ءوز وكىلدەرى ارقىلى سەناتتى قالىپتاستىرۋعا قاتىسادى", دەدى ب. يماشەۆ.
