جاھاندى جايلاعان ىندەتتىڭ بەلەڭ الۋى مەن ونىڭ الەۋمەتتىك كەرى سالدارلارىن ازايتۋعا سەپتىگىن تيگىزۋ ءۇشىن H&M-قازاقستان جەرگىلىكتى دەڭگەيدە قايىرىمدىلىق كومەك بەرۋ تۋرالى شەشىم قابىلدادى. "ايالا" قورىن قوسا العاندا, نەبارى 3 قايىرىمدىلىق قورى ارقىلى قازاقستان حالقىنىڭ الەۋمەتتىك تۇرعىدان وسال ساناتىنا جالپى 38 ملن تەڭگە سوماعا 8000 دانا كيىم جانە اياق كيىم بەرىلدى.
كومپانيا بالالارعا قولداۋ كورسەتۋ ورتالىقتارىنا, بالالار ۇيلەرىنە, تابىسى از وتباسىلارعا, مەديتسينا جۇمىسكەرلەرىنە جانە قيىن جاعدايعا تاپ بولعان قازاقستاندىقتاردىڭ باسقا توپتارىنا ەرلەر, ايەلدەر جانە بالالار كيىمدەرىن تاراتىپ بەردى.
"ايالا" قورى H&M قازاقستاننان ەرەسەكتەرمەن بالالار ءۇشىن 2000 دانا جاڭا توقىما بۇيىمدارى مەن اياق-كيىم الدى. بۇل كومەكتىڭ كوپشىلىگى نۇر-سۇلتان مەن الماتىداعى تابىسى از 104 وتباسىنا بەرىلدى. بۇل تابىسى از نەمەسە تولىق ەمەس وتباسىلار. ولاردىڭ كوپشىلىگى دەنساۋلىعىنا بايلانىستى ەەركشى كۇتىمتى قاجەت ەتەتىن بالالاردى اسىراپ وتىر. بيىل ءساۋىر جانە مامىر ايلارىندا كوپشىلىگى قوردان ۇلكەن ازىق-ت ۇلىك قورجىندار تۇرىندەگى كومەك الدى. ناق وسى ۋاقىتتى ولار قور قىزمەتكەرلەرىنە وزدەرى مەن بالالارىنا كيىم ساتىپ الۋعا قينالىپ جۇرگەندەرىن بىلدىرگەن ەكەن.
قور H&M-قازاقستان برەندىنەن العان 135 قوراپ كيىم-كەشەكتىڭ 89 قورابىن نۇر-سۇلتان قالاسىنا جانە 46 قورابىن الماتى ءۇشىن دايىنداپ, اتتاندىرعان.
ال قور قىزمەتكەرلەرى 104 وتباسىنىڭ ارقايسىسىنا الدىن الا قوڭىراۋ شالىپ, ولاردىڭ قانداي كيىم-كەشەك, اياق-كيىمدەرگە مۇقتاجدىعىن سۇراستىرىپ, وتباسىنىڭ ءاربىر مۇشەسىنىڭ كيىم مولشەرىن ناقتىلادى. وسىلايشا اتاۋلى كومەككە ارنالعان قوراپتار سالىندى. ولارعا ەرلەر مەن ايەلدەرگە ارنالعان كيىمدەر – كارديگاندار, دجينسيلەر, سپورت شالبارلارى, فۋتبولكالار, سونداي-اق بالالار مەن جاسوسپىرىمدەرگە ارنالعان كيىمدەر مەن اياق كيىم: ىشكيىمدەر, ش ۇلىقتار جانە ءتىپتى قىز بالالارعا ارنالعان سومكەلەر دە كىردى.
نۇر-سۇلتاندا H&M-ءنىڭ جاڭا زاتتارى سالىنعان 9 قوراپ ق.مۇڭايتاسپوۆ اتىنداعى وليمپيادا رەزەرۆىنىڭ سپورت مەكتەپ-ينتەرناتىنا بەرىلدى. ويتكەنى, مۇندا وڭىرلەردەن كەلگەن جانە تابىسى از وتباسىلاردىڭ بالالارى وقيدى. №1 ارناۋلى مەكتەپ-ينتەرناتقا 10 جەتىم بالا ءۇشىن 1 قوراپ بەرىلدى. ەلوردانىڭ مۇقتاجدىعى ايرىقشا بالالارى بار تابىسى تومەن ءاربىر وتباسى ءبىر قوراپتان كيىم جانە اياق كيىم سالىنعان 70 قوراپ الدى. تاعى 9 قوراپتى اقمولا وبلىسىنىڭ اقكول اۋدانىندا ورنالاسقان "ۋريۋپينكا اۋىلىنىڭ بالاباقشا-سپورت-ينتەرناتى" كمم-گى ايرىقشا مۇقتاجدىعى بار 84 بالا الدى.
الماتىدا تابىسى از وتباسىلارىمەن قاتار كيىم مەن اياق-كيىم جيىنتىعىن "سابيلەر ءۇيىنىڭ" بالالارى دا قۇر قالماي – ولارعا دا 3 قوراپ بۇيىردى. تاعى 9 قوراپ № 2 ارنايى الەۋمەتتىك كومەك كورسەتۋ ورتالىعىنىڭ تاربيەلەنۋشىلەرىنە بەرىلدى.
ء"بىز قازاقستانداعى H&M اۋقىمدى باعدارلاماسىنا قوسىلىپ, مۇقتاج ادامداردى ءدال قازىرگىدەي كەزەڭدەن وتە قاجەت ساپالى كيىممەن قامتاماسىز ەتۋدى قۋانامىز. پاندەميا سالدارى قازاقستاندىقتاردىڭ ەڭ وسال توپتارىن – كوپ بالالى نەمەسە تولىق ەمەس وتباسىلارىن, ەرەكشە كۇتىمتى قاجەت ەتەتىن بالالارى بار وتباسىلاردى قيناپ وتىر. ءبىز ءوز قامقورلىعىمىزعا العان ادامدارمەن ۇنەمى بايلانىسىپ وتىرامىز. وسىنىڭ ارقاسىندا ەكى بىردەي قالادا تيەسىلى زاتاردى تۋرا مەكەنجايلارىنا دەيىن جەتكىزىپ بەردىك. قور ءوز قولداۋىنىڭ كولەمىن كەڭەيتۋ جانە COVID-19 ۆيرۋسىنان بولعان ەلىمىزدەگى جاعىمسىز الەۋمەتتىك سالدارلاردى بارىنشا ازايتۋعا كومەك بەرۋ ءۇشىن جاڭا مۇمكىندىكتەر مەن سەرىكتەستەر ىزدەۋدى جالعاستىرادى", – دەيدى "ايالا" قورىنىڭ پرەزيدەنتى ايدان سۇلەيمەنوۆا.
كومەككە مۇقتاج, تابىسى از وتباسىلارمەن جۇمىس – بۇل قوردىڭ جاڭا باستاماسى. وتباسىلاردىڭ ءتىزىمى نۇر-سۇلتان جانە الماتى اكىمدىكتەرىمەن بىرگە جاسالادى. 2020 جىلعى ساۋىردەن باستاپ ماۋسىمعا دەيىن بىرنەشە جوبانى ىسكە اسىرۋدىڭ ناتيجەسىندە تابىسى از 184 وتباسى "ايالا" قورىنان ازىق-ت ۇلىك قورجىندار مەن كيىمدەر الدى.
COVID-19 پاندەمياسىنىڭ قازاقستانداعى كەرى سالدارلارىنا كەدەرگى بولۋ ءۇشىن "ايالا" قورى ءىرى دەمەۋشىلەردەن 130 ملن تەڭگەدەن استام قاراجات تارتتى. قور پرەزيدەنتى ايدان سۇلەيمەنوۆانىڭ بۇل جوبالارعا قوسقان جەكە ۇلەسى 53 ملن تەڭگەدەن استى.
