جامان تۇماۋ جايلاعالى جازعى ماۋسىمدا بۋرابايعا ات ءىزىن سالاتىندار ازايىپ قالا ما دەگەن قاۋىپ تە بولعان. ىشكى ءتۋريزمدى دامىتۋ ءۇشىن جان-جاقتى جۇمىس جۇرگىزىلۋدە. سونىڭ ءبىرى كوپشىلىكتى ەلەڭ ەتكىزە تۇسۋگە ءتيىستى وسى جوبا.
"بيزنەستىڭ جول كارتاسى" اياسىندا "دامۋ" قورىنان قارجىلاي كومەك الىپ, ءبىر جىلدىڭ ىشىندە تۇرعىزدىق. دەمالاتىن اۋماق 300 ادامعا شاقتالعان. ەلىمىزدە پاندەميانىڭ تارالۋىنا بايلانىستى دەمالۋشىلار سانىن ۋاقىتشا 100-گە دەيىن قىسقارتىپ وتىرمىز", - دەيدى كاسىپكەر پاۆەل بەزۆەربنىي.
وتكەن جىلى كاسىپكەر "بيزنەستى قولداۋ جانە دامىتۋ" باعدارلاماسى ارقىلى 4 ميلليون تەڭگە نەسيە العان. بۇل قاراجات اكۆاپاركتىڭ قۇرىلىسى مەن وعان قاجەتتى قۇرال-جابدىقتارعا جۇمسالعان. سونىمەن قاتار سپورتتىق قۇرىلعىلار دا ساتىپ الىندى.
اقمولا وبلىسى
