فۋتزالدان ءوتۋى ءتيىس بارلىق ويىن نۇر-سۇلتاندا ۇيىمداستىرىلادى دەپ جوسپارلانعان. «قايرات» فۋتزال كلۋبى العاشقى ويىنىن 3 شىلدەدە «اتىراۋعا» قارسى وتكىزەدى. جارىستىڭ تولىق كەستەسى الداعى ۋاقىتتا جاريالانادى.
ايتا كەتەيىك, بيىلعى ەل چەمپيوناتىنا بارلىعى سەگىز كوماندا چەمپيوندىق ءۇشىن تالاسىپ جاتىر. اتاپ ايتار بولساق, «قايرات», «اقتوبە», «اتىراۋ», «ايات» (رۋدنىي), «بايتەرەك» (ورال), «جەتىسۋ» (تالدىقورعان), «كاسپي» (اقتاۋ) جانە «وقجەتپەس» (كوكشەتاۋ) كوماندالارى. ۇزىلىسكە دەيىنگى جاعداي بويىنشا, تۋرنير كەستەسىندە «قايرات» كومانداسى 44 ۇپايمەن كوش باستاپ كەلەدى. ودان كەيىنگى ورىنداردا «اقتوبە» (36), «ايات» (35) جايعاسقان.
