كەشە مىسىردا ورىن العان تارتىپسىزدىكتەردەن 44 ادام قازا بولىپ, 246-سى جاراقات الدى. بۇل تۋرالى يتار-تاسس حابارلادى.
قازا بولعاندار سانى ءالى دە ءوسۋى مۇمكىن. سەبەبى, اۋرۋحاناعا جەتكىزىلگەندەردىڭ اراسىندا جاعدايى اۋىرلارى بار كورىنەدى.
مىسىر استاناسى مەن وزگە دە پروۆينتسيالاردا ءتارتىپ ساقشىلارى مەن جەرگىلىكتى تۇرعىندار مۋحاممەد ءمۋرسيدىڭ جاقتاۋشىلارىنا قارسى شىقتى. كايردە ءمۋرسيدىڭ جاقتاۋشىلارى نارازىلىق شەرۋىن تاحرير ورتالىق الاڭىندا جالعاستىرماق بولدى. الايدا, كوز جاساۋراتاتىن گازدى مولىنان قولدانعان ءتارتىپ ساقشىلارى ولاردىڭ جولدارىنا توسقاۋىل بولدى. ال كايردىڭ دوككي اۋدانىندا يسلاميستەر بىرنەشە جانارماي بەكەتىن توناپ, ارتىنان ولاردى ورتەپ جىبەرگەن. سونداي-اق ولار جول پوليتسياسى باسقارماسى عيماراتىن ورتەگەن. قازىرگى ۋاقىتتا كۇشتىك قۇرىلىمدار تارتىپسىزدىكتەر ورىن العان جەرلەردىڭ ءبىرازىن ءوز باقىلاۋلارىنا الدى. كەشە ولار كايردىڭ وزىندە عانا 400-دەن اسا ءتارتىپ بۇزۋشىلاردى ۇستادى.
ايدار ورىسباەۆ.
