9 ماۋسىمدا كەربۇلاق اۋداندىق پوليتسيا بولىمىنە قوعالى اۋىلىنىڭ 67 جاستاعى تۇرعىنى ءوزىنىڭ 350 مىڭ تەڭگە كولەمىندەگى اقشا سومماسىن ۇرىلاردىڭ ءۇيىنىڭ تەرەزەسىن قىسۋ ارقىلى قولدى قىلعانى تۋرالى ارىزدانعان. اتالعان دەرەك قر قىلمىستىق كودەكسىنىڭ 188-بابىنىڭ 3-بولىگى 3-تارماعى (تۇرعىن ءۇي-جايعا زاڭسىز كiرۋمەن جاسالعان ۇرلىق) بويىنشا تىركەلدى.
"ۇستالعان ەسكەلدى اۋدانىنىڭ 37 جاستاعى تۇرعىنى 2004 جىلى وسىعان ۇقساس قىلمىس جاساعانى ءۇشىن ەكى جىلعا باس بوستاندىعىنان ايىرىلعان. كۇدىكتى ۇرلانعان اقشاعا اۋىل دۇكەندەرىنىڭ بىرىنەن ءاميان مەن كوزىلدىرىك ساتىپ الۋ كەزىندە ۇستالدى. جەكە تەكسەرۋ قورىتىندىسىنا سايكەس كۇدىكتىدەن قولدى بولعان اقشا سومماسى تولىق ەمەس كۇيىندە الىندى, ايەلدىڭ قالعان سوممانى قايدا جۇمساعانىن تەرگەۋ امالدارى انىقتاپ جاتىر", دەپ حابارلادى كەربۇلاق اۋداندىق پوليتسيا ءبولىمى باستىعىنىڭ ورىنباسارى الىشەر كاپتاعاەۆ.
ءۇي يەلەرىنىڭ قوناق بولمەدەگى ساندىقتا ۇلكەن اقشا سومماسىن ساقتايتىنىن ەكى كۇن بويى ءۇي قىزمەتشىسى بولىپ جۇمىس ىستەگەن ايەلدىڭ كەزدەيسوق بىلگەنى انىقتالدى. ۇرلىق جاساۋعا بەل بۋعان ول, تۇنگى 03.00 شاماسىندا تەرەزە ارقىلى اقشانى الىپ, جاسىرىنعان. قولدى بولعان اقشانىڭ زاڭدى يەسى پوليتسەيلەرگە كاسىبي شەبەرلىگى مەن جەدەلدىگى ءۇشىن العىس ءبىلدىردى.
