الماتى قالاسى ەنەرگوتيىمدىلىك جانە ينفراقۇرىلىمدىق دامۋ باسقارماسىنىڭ (ەتيدب) مالىمەتىنە سايكەس, اعىمداعى جىلدىڭ باسىنداعى جاعداي بويىنشا قالادا 116,7 مىڭ جارىق نۇكتەسى (جارىقديودتى شامدار – 42 پايىزدان استام, ناتري گازرازريادتى شامدار – 40 پايىز, دوعالى سىناپ ليۋمينەستسەنتتى شامدار – 18 پايىزدان از) ورناتىلدى. بۇل وتكەن جىلدىڭ سايكەس كەزەڭىمەن سالىستىرعاندا 20 پايىزعا ارتىق. سىرتقى جارىقتاندىرۋ جەلىلەرىنىڭ جالپى ۇزىندىعى شامامەن 4 مىڭ كم. الماتىنىڭ كوشە شامدارىمەن قامتاماسىز ەتىلۋى 71 پايىزدى قۇرايدى.
2019 جىلدىڭ باسىنداعى جاعداي بويىنشا مەدەۋ (جالپى سانىنىڭ 15,8 پايىز) جانە الاتاۋ (15,6 پايىز) اۋداندارىندا جارىق نۇكتەلەرى كوبىرەك. ودان كەيىن تۇركسىب (13,8 پايىز), بوستاندىق (13,7پايىز) جانە المالى (13,5 پايىز) اۋداندارى. سىرتقى جارىقتاندىرۋدىڭ جالپى ۇلەسىندە 11,5 پايىز جانە 11,3 پايىز سايكەسىنشە اۋەزوۆ جانە جەتىسۋ اۋداندارىنا تيەسىلى. ناۋرىزباي اۋدانىندا كوشە جارىعىمەن قامتۋ كورسەتكىشىنىڭ تومەندىگى (4,8 پايىز) ساياجاي ۋچاسكەلەرىنىڭ, ورمان جانە شارۋا قوجالىقتارىنىڭ, سونداي-اق جەكە تۇرعىن ءۇي قۇرىلىسىنا ارنالعان جەر ۋچاسكەلەرىنىڭ كوپ بولۋىمەن بايلانىستى. اۋداننىڭ قالاعا قوسىلعانىنا دا كوپ بولا قويعان جوق (2014 ج.), سوندىقتان جالپى قالالىق ورتاشا كورسەتكىشكە جەتۋ ءۇشىن, ونىڭ ىشىندە جارىقتاندىرۋ بويىنشا, بەلگىلى ءبىر ۋاقىت قاجەت.
الماتىدا سىرتقى جارىقتاندىرۋ جۇيەسىن جاڭعىرتۋ 8 جىلعا ارنالعان (2019-2026 جج.) ءمجا جوباسى اياسىندا جۇزەگە اسىرىلۋدا, ونىڭ اكىمشىسى «الماتى قالا جارىق» كاسىپورنى بولىپ تابىلادى. 2018 جىلى ودان ءارى جاڭعىرتۋ ءۇشىن سىرتقى جارىقتاندىرۋ جۇيەسىن پاسپورتتاۋ جۇرگىزىلدى.
2019 جىلدان 2023 جىلعا دەيىن الماتى كوشەلەرىندە 44 مىڭ ەسكى شامدى جارىقديودتى تۇرىنە, سونداي-اق 42 مىڭ تىرەكتى اۋىستىرۋ جوسپارلانعان. ماقسات – قالاداعى كوشەنى جارىقتاندىرۋ جۇيەسىنىڭ ەلەكتر ەنەرگيانى تۇتىنۋ دەڭگەيىن كەم دەگەندە 15 پايىزعا ازايتۋ.
2020 جىلى كوشەلەردى جاڭعىرتۋ كوبىنەسە ورتالىق اۋدانداردىڭ نەگىزگى ماگيسترالدارىن قامتيدى. الايدا بىرتىندەپ قالا شەتىنە نازار اۋدارىلادى. 2020-2024 جىلدارعا ارنالعان «جاڭا الماتى» باعدارلاماسى قالانىڭ ورتالىققا جاتپايتىن اۋداندارىن تولىق جارىقتاندىرۋدى قامتاماسىز ەتۋى ءتيىس. وسى كەشەندى جوسپار اياسىندا 2019 جىلى قالانىڭ ورتالىققا جاتپايتىن اۋداندارىنداعى بۇرىن جارىقتاندىرىلماعان 329 كوشەدە سىرتقى جارىقتاندىرۋ جۇيەسى سالىندى. 2020-2021 جج. قالعان 2 024 كوشەنى جارىقتاندىرۋ مىندەتى قويىلعان.
ەتيدب تۇرعىنداردىڭ "الماتى قالا جارىق" ديسپەتچەرلىك قىزمەتىنە نەمەسە الماتى قالاسى اكىمدىگىنىڭ Open Almaty قوعامدىق قابىلداۋ بولمەسى ارقىلى تۇسەتىن وتىنىشتەرىمەن تۇراقتى تۇردە جۇمىس جۇرگىزەدى. 62 كۇن ىشىندە (01.12.2019 ج. باستاپ 31.01.2020 ج. دەيىن) Open Almaty ارقىلى (بايلانىس ورتالىعى, الەۋمەتتىك جەلىلەر, پورتال, فرونت-وفيس) تۇرعىنداردان قالانى جارىقتاندىرۋ بويىنشا 601 ءوتىنىش ءتۇستى. ونىڭ ىشىندە 437 ءوتىنىش (73 پايىزدان استامى) شامداردىڭ جۇمىس ىستەمەۋى مەن جالپى جارىقتاندىرۋدىڭ بولماۋىنا قاتىستى. شامداردىڭ جانباي تۇرعانىنا بوستاندىق اۋدانى, شامداردىڭ بولماۋىنا الاتاۋ اۋدانى تۇرعىندارىنان كوبىرەك شاعىم تۇسكەن. سونداي-اق قالا تۇرعىندارى شامداردىڭ كۇندىز جانىپ تۇرۋى (پايىزبەن(6,2), جارىقتىڭ جەتكىلىكسىز/كۇڭگىرت بولۋى (3,5), اۋلالاردا جارىقتىڭ جوقتىعى (3), شامدار جۇمىس رەجيمىنىڭ بۇرىستىعى مەن دۇرىس قوسىلماۋى (1,3) تۋرالى حابارلاعان.
