بۇگىن, 6 قازان كۇنى رەسەي فەدەراتسياسىنىڭ استاناسى – ماسكەۋ قالاسىنىڭ ۆنۋكوۆو-3 اۋەجايىنا بورتىندا سوچي-2014 XXII قىسقى وليمپيالىق ويىندارى ءۇشىن جاعىلعان الاۋى بار ۇشاق كەلىپ قوندى. بۇل تۋرالى يتار-تاسس ءتىلشىسى حابارلادى.
وليمپادا الاۋى قىركۇيەكتىڭ 29-ى كۇنى گرەكياداعى ەجەلگى وليمپ تاۋىنىڭ ەتەگىندە تۇتاتىلدى. سودان باستاپ 6 كۇن بويى ەللادا جەرىن شارلاپ وتكەن وتتى تۇعىر كەشە افينادا رەسەي دەلەگاتسياسىنىڭ قولىنا تاپسىرىلدى. ەندى ونىڭ رەسەي جەرىندەگى 123 كۇنگە جانە 6,5 مىڭ شاقىرىمعا سوزىلاتىن ۇزاق ساپارى باستالادى.
ەلدىڭ جۇرەگى – ماسكەۋ قالاسىندا بۇگىن سونىڭ ءبىرىنشى كۇنى سورەدەن شىقتى. قىزىل كرەملدى قالاداعى الاۋ الىپ ءجۇرۋ ەستافەتاسى 6-9 قازان ارالىعىن قامتيدى. سودان كەيىن وتتى شىعىرشىقتى رەسەي جەرلەرىمەن ءجۇرىپ ءوتۋىنىڭ رەسمي اشىلۋى بولادى. ول ۆاسيلەۆ ىلديىندا وتەدى. الاۋدى ءبىرىنشى بولىپ وليمپيالىق ويىنداردىڭ بەس دۇركىن چەمپيونى اناستاسيا داۆىدوۆا الىپ جۇگىرەدى. بۇدان ءارى الاۋ ەلدىڭ 83 سۋبەكتىسىنە جول تارتادى. سول بەتىمەن 7 اقپان كۇنى سوچيگە بارىپ ءبىر-اق ايالدايدى.
ال بۇگىن الاۋدى اۋەجايدان قالاعا «تۇنگى قاسقىرلار» باي-كلۋبىنىڭ موتوتسيكليستەرى كولونناسىنىڭ قورشاۋىندا ءجۇرىپ وتىرعان كورتەج جەتكىزدى.
كورتەج قىزىل الاڭعا كەلىپ ءبىر-اق توقتادى. سوسىن استانانىڭ قاق ورتاسىندا وليمپيالىق وت ىدىسىن تۇتاندىرۋ سالتاناتى وتكىزىلدى. ارتىنشا الاۋ ەستافەتاسىنىڭ كرەملدىك كەزەڭى باستالدى. ول 9 بولىكتەن قۇرالىپ, الەكساندر باعىندا تانىم تاپتى. ونىڭ سوڭعى نۇكتەسىن رەسەي باتىرى, اسكەري-اۋە كۇشتەرىنىڭ مايورى يۆان نەچاەۆ قويدى. بۇل كەزەڭنىڭ ءىس-ارەكەتىنە 50 مىڭنان استام ماسكەۋلىك قاتىستى.
وسىمەن, وليمپيالىق الاۋدىڭ ماسكەۋدەگى كەزەڭىنىڭ ءبىرىنشى كۇنى اياقتالدى. ال الدا تاعى 3 كۇن بار.
رۋسلان يگىلىك.
