ۆەدومستۆو باسشىسىنىڭ ايتۋىنشا, بالىق سالاسىنداعى وزەكتى ماسەلە بالىق ونىمدەرىنىڭ كولەڭكەلى اينالىمى بولىپ تابىلادى. ول ورتاشا جىلدىق ونىمنەن 5 ەسە ارتىق. ونى جويۋ ءۇشىن بالىق اينالىمىنىڭ سۋ ايدىنىنان سوڭعى تۇتىنۋشىعا دەيىن بۇكىل ۇدەرىسىن تسيفرلاۋ قاجەت. بالىقتاردى كولەڭكەدەن شىعارۋ سالىق سالۋ بازاسىن 40 ملرد تەڭگەگە ۇلعايتادى.
مينيستر وتاندىق بالىق ونىمدەرى نارىعىنىڭ كولەمىن ۇلعايتۋدىڭ جوعارى الەۋەتى بار ەكەنىنە سەنىمدى.
وسىعان بايلانىستى, قازىرگى ۋاقىتتا مينيسترلىك بالىق سالاسىن ۇزاق مەرزىمدى دامىتۋ ءۇشىن, سونىڭ ىشىندە ينۆەستيتسيالار تارتۋعا جانە جۇمىس ورىندارىن اشۋعا سەپتىگىن تيگىزەتىن سالانى سۋبسيديالاۋ بويىنشا بىرقاتار زاڭنامالىق شارانى پىسىقتاۋدا.
