«نۇر وتان» حالىق-دەموكراتيالىق پارتياسى ۇيىمداستىرۋشىسى بولعان «كىل جۇيرىكتە كىم جۇيرىك؟» دەگەن تاقىرىپتاعى ايتىس مارەگە جەتتى. بۇل تۋرالى «نۇر وتان» پارتياسى مەن ءبىر توپ ايتىسكەرلەردىڭ تۆيتتەرلەرىندە جاريالانعان مالىمەتتەرگە سۇيەنە وتىرىپ, Egemennrws.kz ءتىلشىسى حابارلادى.
پارلامەنت ءماجىلىسىنىڭ دەپۋتاتى, جازۋشى الدان سمايىل باستاعان قازىلار القاسى ايتىستىڭ قورىتىندىسىندا باس بايگەگە بەلگىلى ايتىسكەر اقىن اينۇر تۇرسىنباەۆانى لايىقتى دەپ تاپتى. ونىڭ ءباسى 2 ملن. تەڭگە بولدى (جوعارىداعى سۋرەتتە). ءبىرىنشى ورىن مەن 1,5 ملن. تەڭگە كولەمىندەگى سىي جاس جۇلدىز جانداربەك بۇلعاقوۆقا تاپسىرىلدى. ەكىنشى ورىندى 1 ملن. تەڭگە تارتۋىمەن بىرگە ايتىستىڭ اقتاڭگەرى بالعىنبەك يماشەۆ ەنشىلەدى. ال 750 مىڭ تەڭگە قوشەمەتى بار ءۇشىنشى تۇعىرعا قىتايدان كەلگەن شالىمدى شايىر قاناتبەك كوتەرىلدى.
بۇدان بولەك, قازاقستاننىڭ باس ءمۇفتيى قاجىلىققا بارىپ قايتاتىن جولدامانى الىمدى اقىن سارا توقتامىسوۆاعا ۇسىندى.
ماراپاتتاۋ ءراسىمى بارىسىندا سونداي-اق مارقۇم ورازالى اقىننىڭ ۇلى نۇرسۇلتانعا وسى ايتىستان تۇسكەن قارجى مەن «نۇر وتان» حدپ تاراپىنان بولىنگەن ارنايى سىيلىق تابىس ەتءىلدى (تومەندەگى سۋرەتتە).
اتالمىش ايتىس «حابار» تەلەارناسىنان 12 قازان كۇنى ساعات – 15.10-دا, 13 قازان كۇنى 14.00-دە كورسەتىلەدى.
مۇرات ايتقوجا.
