ەلوردا • 11 ماۋسىم، 2020

نۇر-سۇلتاندا ۇبت ءۇش ۋنيۆەرسيتەتتىڭ بازاسىندا وتەدى

9 رەت كورسەتىلدى

تەست بىلتىرعىداي كۇنارا ەمەس، كۇن سايىن وتكىزىلەدى. بۇل تۋرالى ەلوردا اكىمدىگىنىڭ ءباسپاسوز قىزمەتىنە سىلتەمە جاساي وتىرىپ Egemen.kz حابارلايدى.

نۇر-سۇلتانداعى ۇلتتىق بىرىڭعاي تەستىلەۋ (ۇبت) 20 ماۋسىم مەن 5 شىلدە ارالىعىندا ءۇش ۋنيۆەرسيتەتتە وتەدى: ل.گۋميلەۆ اتىنداعى ەۋرازيا ۇلتتىق ۋنيۆەرسيتەتى (2 589 وقۋشى، 13 اۋديتوريا)، س.سەيفۋللين اتىنداعى قازاق اگروتەحنيكالىق ۋنيۆەرسيتەتى (1818 وقۋشى، 7 اۋديتوريا) جانە قازاق ەكونوميكا، قارجى جانە حالىقارالىق ساۋدا ۋنيۆەرسيتەتى (1884 وقۋشى، 13 اۋديتوريا).

"بۇگىندە ۇبت قاتىسۋشىلارىنىڭ مالىمەتتەر بازاسى بار، سايكەستەندىرۋ كودتارىن بەرۋ ءراسىمى ءوتتى. ۇبت وتكىزۋ ورىندارى بارلىق قاجەتتى قۇرال-جابدىقتارمەن قامتاماسىز ەتىلدى"، – دەپ حابارلادى نۇر-سۇلتان قالالىق ءبىلىم باسقارماسى.

بيىل لەك سانى ەكى ەسە ارتىپ، بارلىعى 14-كە جەتتى. وسىلايشا بىلتىرعى وقۋ جىلىنداعىداي كۇنارا ەمەس، ءار كۇن سايىن وتكىزىلەدى.


سوڭعى جاڭالىقتار

ۇقساس جاڭالىقتار