بۇگىن, 6 قازان كۇنى كوكشەتاۋداعى «ابىلاي حان جانە ونىڭ تاريحي ءداۋىرى» اتتى حالىقارالىق عىلىمي-تاجىريبەلىك كونفەرەنتسيا كەزىندە حاننىڭ ۇرپاقتارى وزدەرىنىڭ العىسى رەتىندە ەلباسى نۇرسۇلتان نازارباەۆقا ابىلاي حان بەينەلەنگەن ەستەلىك ءمۇسىندى تاپسىردى. بۇل تۋرالى «قازاقپارات» ءتىلشىسى حابارلادى.
«حان ۇرپاقتارى كونفەرەنتسيادا ابىلاي ارمانىن جۇزەگە اسىرىپ, تاۋەلسىز ەلدىڭ وركەندەۋىندەگى ەڭبەگى ءۇشىن مەملەكەت باسشىسىنا ريزاشىلىعىن ءبىلدىردى», - دەلىنگەن وندا.
«بۇگىن كوكشەتاۋدا ابىلاي حاننىڭ 300 جىلدىعىنا ارنالعان مەرەكەلىك شارالار ءوتىپ جاتىر. تاڭەرتەڭ قالادا قر مەملەكەتتىك حاتشىسى مارات ءتاجين, قر مادەنيەت جانە اقپارات ءمينيسترى مۇحتار قۇل-مۇحاممەد, «نۇر وتان» حدپ تورعاسىنىڭ ورىنباسارى باۋىرجان بايبەك, قر ءبىلىم جانە عىلىم ءمينيسترى اسلان ءسارىنجىپوۆ, اقمولا وبلىسىنىڭ اكىمى قوسمان ايتمۇحامەتوۆ جانە زيالى قاۋىم وكىلدەرى مەن شەتەلدىك قوناقتاردىڭ قاتىسۋىمەن ابىلاي حاننىڭ ەسكەرتكىشىنە گۇل شوقتارىن قويۋ راسىمىنە قاتىستى», - دەلىنگەن ودان ءارى.
ابىلاي حان قازاق ورداسىنىڭ حانى, قازاق مەملەكەتىنىڭ تاريحىنداعى اسا كورنەكتى مەملەكەت قايراتكەرى. ارعى تەگى جوشى حان, بەرگى بابالارى قازاق ورداسىنىڭ نەگىزىن سالعان ءاز-جانىبەك. ودان سوڭ ەڭسەگەي بويلى ەر ەسىم حان, سالقام جاڭگىر حان. ابىلاي - جاڭگىر حاننىڭ بەسىنشى ۇرپاعى.
ساكەن مايلىباي.
