ميلليون ۇرلاعانداردىڭ مۇرىندارىنان شىقتى

اقش-تا الاياقتىق وپەراتسياسىنا قاتىسقان قازاقستاندىقتاردىڭ سانى 16-عا جەتتى. بۇل تۋرالى «ەكسپرەسس-ك» گازەتى جازدى.

مۇنىڭ الدىندا ءبىز بۇلاردىڭ سانىنىڭ 5-بەسەۋ ەكەنىن مالىمدەگەنبىز. كەيىن اقش قۇقىق قورعاۋ ورگاندارى بۇل تىزىمگە كىرگەن جەرلەستەرىمىز سانىن 16-عا تولتىردى.

ولار كىمدەر؟

ولاردىڭ اتى-جوندەرى مىناداي:

ستانيسلاۆ مەلنيكوۆ (26-دا), رەنات تالانوۆ (25-تە), مادلەن وسپانوۆا (26-دا), مەرۋەرت احمەتوۆا (37-دە), ينديرا احمەتوۆا (21-دە), ۆياچەسلاۆ لازارەۆ (21-دە, قاماۋعا الىنعان), ەۆگەني يۆانوۆ (22-دە), جاسۇلان شىلىكباي (2-دە), ءىليياس ءابدءىراحاي (27-دە), ۆياچەسلاۆ تسوي (25-تە), نۇربەك احماديەۆ (25-تە), الىشەر وماروۆ (25-تە), ۇلان زاكىروۆ (22-دە), تايىر جۇرىن (22-دە) جانە ەۆگەني سوتنيكوۆ (2-دا).

فبر-دىڭ مالىمەتى بويىنشا, بۇلاردىڭ ءبارى ەكى مىڭنان استام ادامنىڭ جەكە مالىمەتتەرىن ۇرلاپ العان قىلمىستىق توپتىڭ مۇشەلەرى بولىپ تابىلادى. بۇل اقپاراتتاردى الاياقتار سالىق ورگاندارىنا ارىز جازىپ, جالپى سوماسى 17 ملن. دوللاردى قايتارىپ الۋعا ارەكەت جاساۋ ءۇشىن پايدالانعان.

بۇل الاياقتىقتى ۇيىمداستىرۋشىلار رەتىندە ارتۋر گريگوريان, ەرنەست سولويان جانە وۆانەس ارۋتيۋنيان ەسىمدى ارمەنيادان شىققان اقش ازاماتتارى ۇيىمداستىرعان دەگەن بولجام بار. ايىپتالۋشىلار قاتارىندا سونداي-اق رەسەيدىڭ, وزبەكستاننىڭ جانە تۇركىمەنستاننىڭ ازاماتتارى بار.

سۇلتان بوزايعىر.