جالپى وتىرىستىڭ كۇن تارتىبىندە قازاقستان رەسپۋبليكاسى ۇكىمەتىنىڭ جانە رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ 2019 جىلعى رەسپۋبليكالىق بيۋدجەتتىڭ اتقارىلۋى تۋرالى ەسەپتەرى قارالىپ جاتىر.
"كىرىستەر بويىنشا جوسپار ترانسفەرتتەردى ەسەپكە الماعاندا 100,6%-كە ورىندالدى, بيۋدجەتكە 7,1 ترلن تەڭگە ءتۇستى. 2019 جىلعى 1 قاڭتاردان باستاپ ەلەكتروندىق تۇردەگى شوت-فاكتۋرالاردى مىندەتتى تۇردە جازىپ بەرۋ ىشتە وندىرىلەتىن تاۋارلارعا سالىناتىن قوسىلعان قۇن سالىعى بويىنشا تۇسىمدەردىڭ 1,5 ەسەگە ءوسۋىن قامتاماسىز ەتتى. ءوز كەزەگىندە كورپوراتيۆتىك تابىس سالىعى بويىنشا تۇسىمدەر 17%-عا ءوستى. سالىقتىق جانە كەدەندىك اكىمشىلەندىرۋدى تسيفرلاندىرۋ بويىنشا جۇرگىزىلگەن جۇمىس قاشىقتىقتان باقىلاۋدىڭ تيىمدىلىگىن 36%-كە جانە سالىقتىق تەكسەرۋلەردىڭ تيىمدىلىگىن 70%-كە ارتتىرۋعا مۇمكىندىك بەردى. بۇل رەتتە سالىقتىق تەكسەرۋلەر سانى 30%-كە تومەندەدى", – دەدى ەرۇلان جاماۋباەۆ.
ونىڭ ايتۋىنشا, سونداي-اق ەۋرازيالىق ەكونوميكالىق وداققا مۇشە مەملەكەتتەرمەن مەملەكەتتىك شەكارادا ەلگە تاۋارلار اكەلۋ مونيتورينگى كۇشەيدى. قىتاي حالىق رەسپۋبليكاسىمەن ەكى جاقتى ستاتيستيكا بويىنشا الشاقتىق 53%-دان 48%-عا دەيىن تومەندەدى. جالپى العاندا اكىمشىلەندىرۋ شارالارىن كۇشەيتۋ ەسەبىنەن 900 ملرد تەڭگەدەن اسا تۇسىمدەر قامتاماسىز ەتىلدى.
