الەم • 10 ماۋسىم، 2020

قازۇۋ الەمنىڭ ەڭ ۇزدىك 200 ۋنيۆەرسيتەتىنىڭ قاتارىنا ەندى

152 رەت كورسەتىلدى

قازاقستاندىق ۋنيۆەرسيتەت QS جاھاندىق رەيتينگىسىندە 165-ورىنعا كوتەرىلىپ، فەنومەنالدى سەرپىلىس جاسادى. قازۇۋ حالىقارالىق عىلىم جانە ءبىلىم كەڭىستىگىندەگى ءوزىنىڭ الەمدىك كوشباسشى ۋنيۆەرسيتەتتەر قاتارىندا ەكەندىگىن دالەلدەدى، - دەپ حابارلايدى Egemen.kz

ءال-فارابي اتىنداعى قازاق ۇلتتىق ۋنيۆەرسيتەتى ەلباسى ن.ءا.نازارباەۆ تاپسىرعان جانە قازاقستان رەسپۋبليكاسىنىڭ ءبىلىم جانە عىلىم سالاسىن دامىتۋدىڭ مەملەكەتتىك باعدارلاماسىنا ەنگىزىلگەن 2020 جىلى الەمنىڭ ەڭ ۇزدىك 200 جوعارى وقۋ ورىندارىنىڭ قاتارىنا كەم دەگەندە 2 قازاقستاندىق جوو-نىڭ كىرۋى مىندەتىن ابىرويمەن ورىنداپ شىقتى

جاھاندىق ەڭ تانىمال جانە بەدەلدى Quacquarelli Symonds (QS) رەيتينگتىك اگەنتتىگى الەمنىڭ جوعارى وقۋ ورىندارى بويىنشا زەرتتەۋدىڭ بيىلعى جىلعى ناتيجەلەرىن جاريالادى. QS اناليتيكالىق ەسەبىندە اتاپ وتىلگەندەي، ءال-فارابي اتىنداعى قازۇۋ 42 ورىنعا ىلگەرىلەپ، جاھاندىق رەيتينگتە 165-ورىندى يەلەندى جانە "الەمنىڭ ەڭ ۇزدىك 200 ۋنيۆەرسيتەتتەرىنىڭ قاتارىنا ەنگەن العاشقى قازاقستاندىق جوعارى وقۋ ورنى بولدى". پوستكەڭەستىك ەلدەردەن تەك ەكى ۋنيۆەرسيتەت قانا وسى توپقا ەنىپ وتىر – م.ۆ. لومونوسوۆ اتىنداعى ماسكەۋ مەملەكەتتىك ۋنيۆەرسيتەتى جانە ءال-فارابي اتىنداعى قازاق ۇلتتىق ۋنيۆەرسيتەتى.

الەمدىك جوعارى ءبىلىم بەرۋ تاريحىندا بۇرىن-سوڭدى بولماعان قارقىندى دامۋدى كورسەتە وتىرىپ، 9 جىل ىشىندە ۋنيۆەرسيتەت شامامەن 500 ورىنعا العا جىلجىدى. الەمدىك رەيتينگتە قىسقا ۋاقىت ىشىندەگى بۇنداي بىرەگەي ىلگەرىلەۋ ء"ال-فارابي اتىنداعى قازۇۋ فەنومەنى" دەپ اتالىپ شەتەلدىك ساراپشىلار نازارىن وزىنە اۋدارتتى. قازاقستاندىق جوعارى وقۋ ورنى قارقىندى دامۋىنىڭ جارقىن ۇلگىسى حالىقارالىق اكادەميالىق ورتادا بەلسەندى تۇردە تالقىلانۋدا. كوپتەگەن شەتەلدىك جوعارى وقۋ ورىندارى قازۇۋ-دىڭ وڭ تاجىريبەسىن قولدانىسقا ەنگىزۋدە.

الەمدىك رەيتينگتە جەتكەن بيىك جەتىستىكتە ۋنيۆەرسيتەت رەكتورى، اكادەميك عالىم مۇتانوۆتىڭ باسشىلىعىمەن قازۇۋ-دىڭ جاھاندىق باسەكەگە قابىلەتتىلىگىن ارتتىرۋ بويىنشا ۋنيۆەرسيتەت ۇجىمى اتقارعان قىرۋار جۇمىستار تۇر. كلاستەرلىك تۇرعىدان كەشەندى قۇرىلىمدىق مودەرنيزاتسيالاۋ جۇزەگە اسىرىلىپ، ناتيجەگە باعىتتالعان باسقارۋ جۇيەسى ەنگىزىلدى. الدىڭعى قاتارلى شەتەلدىك ۋنيۆەرسيتەتتەرمەن بىرلەسە قوس ديپلوم باعدارلاماسى جانە اعىلشىن تىلىندە ءبىلىم بەرۋ باعدارلامالارى جۇزەگە اسىرىلۋدا، سونىڭ ناتيجەسىندە قازاقستان بويىنشا ەڭ كوپ شەتەلدىك ستۋدەنتتەر قازۇۋ-دا ءبىلىم الۋدا. تەك سوڭعى جىلدىڭ وزىندە ولاردىڭ سانى 15 ەسەگە ءوستى.

"مايكروسوفت" كومپانياسى قازۇۋ تسيفرلىق مودەلىن ەڭ وزىق تاجىريبەلەردىڭ ءبىرى رەتىندە تانىدى. ۋنيۆەرسيتەتتە "عىلىمي يدەيادان باستاپ ونى كوممەرتسياليزاتسيالاۋعا دەيىنگى" تەحنولوگيالىق ءدالىز قۇرىلعان. ونى ءتيىمدى پايدالانۋ ارقاسىندا ۋنيۆەرسيتەتتە 5 جىل ىشىندە عىلىمي جوبالار كولەمى 2،5 ەسەگە ارتتى. حالىقارالىق رەيتينگى جوعارعى جۋرنالدارداعى قازاقستاندىق اۆتورلاردىڭ ءاربىر بەسىنشى جاريالانىمى – قازۇۋ عالىمدارىنىڭ ۇلەسى. سوڭعى 5 جىلدا ۋنيۆەرسيتەت ينفراقۇرىلىمنىڭ جالپى اۋماعى 50% پايىزعا دەيىن ءوستى.

بۇۇ-نىڭ تۇراقتى دامۋ جونىندەگى "اكادەميالىق ىقپال» باعدارلاماسىنىڭ جاھاندىق حابى رەتىندە قازۇۋ جاڭا بۋىن ۋنيۆەرسيتەتىنىڭ "ۋنيۆەرسيتەت 4.0" مودەلىن جاساپ ەنگىزدى. نيۋ-يوركتەگى بۇۇ-نىڭ شتاب-پاتەرىندە تانىستىرىلعان "ۋنيۆەرسيتەت 4.0" مودەلى حالىقارىلىق دەڭگەيدە كەڭىنەن تاراتۋعا ۇسىنىلدى. قازۇۋ الەمنىڭ 12 ەلىندە ءال-فارابي ورتالىقتارىن اشتى.

قازاق ۇلتتىق ۋنيۆەرسيتەتىنىڭ الەمدىك ءبىلىم بەرۋ كەڭىستىكتىگىندەگى كوشباسشىلىق دەڭگەيى باسقا دا حالىقارالىق رەيتينگتىك اگەنتتىكتەردە كورىنىس تابۋدا. قازۇۋ الەمدەگى ۇزدىك 200 ەكولوگيالىق جانە ەڭ وزىق تەحنولوگيالىق ۋنيۆەرسيتەتتەردىڭ ۇزدىك 50 توبىنا كىرەدى. ەۋروپالىق عىلىمي-ونەركاسىپتىك پالاتاسى رەيتينگىندە قازۇۋ "اا+" باعاسىن يەلەنىپ، جەتەكشى ەۋروپالىق جوعارى وقۋ ورىندارىنىڭ قاتارىنا ەندى. بارلىق وسى جەتىستىكتەر ارقاسىندا قازۇۋ تۇركى جانە يسلام الەمىندەگى ەڭ ۇزدىك ۋنيۆەرسيتەت رەتىندە تانىلدى.

QS رەيتينگىسىندە ماسساچۋسەتس تەحنولوگيالىق ۋنيۆەرسيتەتى كوش باستايدى، ەكىنشى جانە ءۇشىنشى ورىندا سايكەسىنشە – ستەندفورد جانە گارۆارد ۋنيۆەرسيتەتتەرى (بارلىعى اقش-تىڭ جوعارى وقۋ ورىندارى). ەڭ ۇزدىك الەمدىك جوعارى وقۋ ورىندارىنىڭ وندىعىن تولىعىمەن امەريكاندىق جانە بريتاندىق جوعارى وقۋ ورىندارى قۇرايدى.

سوڭعى جاڭالىقتار

ەلوردا «قىزىل» ايماقتان شىقتى

كوروناۆيرۋس • بۇگىن، 09:22

الەم چەمپيوناتى باستالدى

سپورت • بۇگىن، 09:09

قۇندى ەرتوقىم

ەلوردا • بۇگىن، 09:05

تىڭ سەرپىلىس بايقالمايدى

سپورت • بۇگىن، 08:59

اسەرلى «ادەبيەت كۋرستارى»

وقيعا • بۇگىن، 08:54

تاۋەلسىزدىك تاعىلىمى

تاۋەلسىزدىكتىڭ 30 جىلدىعى • بۇگىن، 08:52

ون ءبىرىنشى پالاتا

مەديتسينا • بۇگىن، 08:45

جارقىننىڭ جاقسىلىعى

ايماقتار • بۇگىن، 08:39

تىلسىم كۇشپەن ءتىل تابىسقان

تاريح • بۇگىن، 08:36

قىلقالام ۇشىنداعى قۇدىرەت

ونەر • بۇگىن، 08:35

قازاقستان دالاسى قۇرعاپ بارادى

ەكولوگيا • بۇگىن، 07:55

قۇمعا سىڭگەن سۋداي سۋبسيديا

قوعام • بۇگىن، 07:49

دۇبىردەن تۋعان ولەڭ

ادەبيەت • بۇگىن، 07:39

كۇلكىنى ازايتساق قايتەدى؟

قوعام • بۇگىن، 07:39

جانى جايساڭ جاز-اتا

قوعام • كەشە

ۇقساس جاڭالىقتار