جاسى 70-كە قاراعان شاعىندا اتاقتى باسكەتبولشى, كسرو قۇراماسىنىڭ بەلدى مۇشەسى سەرگەي بەلوۆ قايتىس بولدى. بۇل تۋرالى «يزۆەستيا» گازەتىنىڭ سايتى حابارلادى.
«بۇگىن پەرمدە ۇزاققا سوزىلعان ناۋقاستان كەيىن داڭقتى كەڭەس باسكەتبولشىسى سەرەي بەلوۆ قايتىس بولدى», - دەلىنگەن وندا.
ءوزىنىڭ كەرەمەت سپورتشىلىق مانسابىندا س.بەلوۆ ماسكەۋدىڭ تسسكا كومانداسى كسرو-نىڭ كوپ مارتە چەمپيونى بولىپ, 4 رەت ەۋروپانىڭ, 2 رەت الەمنىڭ التىن مەدالىن ومىراۋىنا تاققان. ال 1972 جىلى ميۋنحەن وليمپياداسىندا تاريحتا اتى قالعان عالامات جاعدايدا كوماندالاستارىمەن بىرگە جەڭىمپازدىققا قول جەتكىزدى. وسىنداعى سوڭعى ءۇش سەكۋندتىڭ ىشىندە سەرگەيدىڭ سالعان دوبى امەريكالىق اتاقتى Dream Team كومانداسىنان التىن مەدالدى تارتىپ الۋعا مۇمكىندىك بەردى. وسى جەڭىمپاز كوماندانىڭ ساپىندا قازاقتان شىققان تۇڭعىش وليمپيادا چەمپيونى ءالجان جارمۇحامەدوۆ تە وينادى. وسى ويىندا بەلوۆ 20 ۇپاي جينادى. ول 1980 جىلى ماسكەۋ وليمپيالىق ويىندارىنىڭ الاۋىن جاعۋ قۇرمەتىنە يە بولدى.
سەرگەي بەلوۆ ەۋروپالىقتار اراسىندا باسكەتبولدىڭ داڭق زالىنا ەنگىزىلگەن ءبىرىنشى باسكەتبولشى اتاندى. ال حالىقارالىق باسكەتبول فەدەراتسياسى (فيبا) بەلوۆتى ەۋروپانىڭ وتكەن عاسىرداعى ەڭ ۇزدىك باسكەتبولشىسى دەپ تانىدى.
سەرگەي بەلوۆ جاتتىقتىرۋشى رەتىندە دە ءوزىنىڭ جارقىن ءىزىن قالدىردى.
رۋسلان يگىلىك.
سۋرەتتە: ەكىنشى قاتاردا, سول جاقتان ءتورتىنشى - ءالجان جارمۇحامەدوۆ, ال ءبىرىنشى قاتاردا وڭ جاقتان ءبىرىنشى - سەرگەي بەلوۆ.
