وبلىس ورتالىعىنداعى بىرقاتار ساۋدا ورىندارىندا قازىر ەكوپاكەت تەگىن تاراتىلۋدا. بۇل جاڭالىق, ياعني تابيعي تازا قاپتاما سوڭعى جىلدارى جاۋلاپ العان پوليەتيلەن ونىمدەرگە بالاما بولماق. نەگىزىندە قاعاز قاپشىق تابيعاتقا زيانىن تيگىزبەۋىمەن بىرگە, ازىق-ت ۇلىك تاۋارلارىن ۇزاق ۋاقىت ساقتاۋعا قولايلى ەكەن.
جالپى ەكوپاكەت قورشاعان ورتاعا قامقور بولعىسى كەلگەن تۇتىنۋشىلاردىڭ تاڭداۋى دەسەك تە بولار. كوكشەتاۋلىق باستاماشىل جاستار ەكوپاكەت ءوندىرىسىن قولعا الىپ وتىر. راس, ءبىرشاما كۇردەلى ءىس ءارى شيكىزاتى ءسال قىمباتتاۋ. ەسەسىنە پوليەتيلەن قاپتاما ءتارىزدى تابيعاتقا زيانى جوق. وسى جاعىنان ۇتىمدى.
جاس كاسىپكەرلەر وندىرىستىك جەلىنى وزگە دە قاپتاما تۇرلەرىن وندىرۋگە بەيىمدەمەك. ازىق-ت ۇلىك قانا ەمەس, تسەمەنت, اعاش كومىرى ءتارىزدى كەيبىر قۇرعاق ونىمدەر دە قاعاز قاپتامامەن قاپتالادى. ازىرگە ءونىمنىڭ قۇنى قاپتاما سىرتىنداعى جارنامادان تۇسەتىن تيىن-تەبەننەن اقتالۋدا. ءبىر ايتا كەتەرلىگى, قاپتاما قولدانىلاتىن جەلىم مەن بوياۋدىڭ دا زيانسىز ەكەندىگى.
– قاپتاماعا جارناما جازعان كەزدە تابيعي, تازا بوياۋلار قولدانىلادى. ويتكەنى, بۇل قاپتامالارمەن ازىق-ت ۇلىك تاۋارلارى ورالادى عوي. قاعاز قاپتامادا ورالعان زاتتار الدەقايدا ۇزاق ساقتالادى, – دەيدى «ەكوپاكەت» جوباسىنىڭ مەنەدجەرى رىسبەك ومىرعاليەۆ.
قاعاز قاپتاما تاڭسىق ەمەس, كەشەگى يت باسىنا ىركىت توگىلگەن كەڭەس زامانىندا دا وسىنداي قاپتامالاردى كوز كورگەن. ال پوليەتيلەن پاكەت توقسانىنشى جىلداردىڭ ورتا شەنىندە نارىققا شىمشىمداپ ەنىپ, كەيىن جاۋلاپ الدى. ەندىگى ارادا تۋعان تابيعاتىمىزدىڭ باعزى بەينەسىن ساقتاپ قالعىمىز كەلسە, زيانسىزىنا ۇمتىلعانىمىز دۇرىس شىعار.
اقمولا وبلىسى
