ەكونوميكا • 09 ماۋسىم، 2020

Fitch مۇناي باعاسىنداعى وزگەرىستەرگە باعا بەردى

105 رەت كورسەتىلدى

"Fitch حالىقارالىق رەيتينگتىك اگەنتتىگى مۇناي باعاسى ءبىر باررەل ءۇشىن 30 دوللاردان تومەن ءتۇسۋى ەكىتالاي دەپ سانايدى"، - دەپ حابارلايدى Egemen.kz.

ساراپشىلار مۇناي باعاسى باررەلىنە 40 دوللار دەڭگەيىندە بولۋى اقش كومپانيالارى ءوندىرىسىنىڭ ۇلعايۋىنا اكەلۋى مۇمكىن، بۇل نارىقتاعى باعانىڭ قالپىنا كەلۋىن شەكتەيتىنىن ايتىپ جاتىر. قازىرگى جاعدايدا مۇناي نارىعى 30 دوللار تۇراتىن باعامەن وندىرۋشىلەر ءوندىرىستى تۇراقتاندىرا الادى.

ساراپشىلار وسىعان دەيىن مۇناي ءوندىرۋدىڭ رەكوردتىق تومەندەۋىن تاعى ءبىر ايعا ۇزارتۋ تۋرالى وپەك+ كەلىسىمى نارىقتاعى تەپە-تەڭدىكتى قالپىنا كەلتىرۋدى جەدەلدەتۋى كەرەك، ەكەنىن ايتىپ كەلگەن بولاتىن. ال   Fitch   بۇگىنگى كۇنى مۇناي باعاسىنىڭ قالپىنا كەلۋى تۇراقتى ما، جوق پا، ء الى بەلگىسىز ەكەنىن ايتادى. وپەك+-تەن تىس ەلدەردە، اسىرەسە اقش-تا شيكىزات ءوندىرۋ سۇرانىس پەن ۇسىنىستىڭ تەپە-تەڭدىگىنە ايتارلىقتاي اسەر ەتەدى. ءبىرىنشى جارتىجىلدىقتا جيناقتالعان مۇناي قورلارىن قالىپقا كەلتىرۋ بىرنەشە ايعا سوزىلادى.

ء"بىز باررەلىنە 30 دوللاردان تومەن تۇسەتىن سترەسستىك ستسەناري قازىر مۇمكىن ەمەس دەپ سانايمىز. سۇرانىستىڭ بىرتىندەپ جاقسارۋىنا جانە ۇسىنىستىڭ قىسقارۋىنا بايلانىستى نارىق 2020 جىلدىڭ ەكىنشى جارتىسىندا ءوندىرىس تاپشىلىعىنا تاپ بولۋى مۇمكىن. مۇناي ءوندىرىسىنىڭ رەكوردتىق تومەندەۋىن تاعى ءبىر ايعا ۇزارتۋ تۋرالى وپەك + كەلىسىمى نارىقتاعى تەپە-تەڭدىكتى قالپىنا كەلتىرۋدى جەدەلدەتۋى كەرەك"، - دەپ حابارلايدى  Fitch.

Fitch اگەنتتىگى وپەك+ ەلدەرى مامىر ايىندا ناۋرىز ايىمەن سالىستىرعاندا مامىردا ءوندىرىستى تاۋلىگىنە 7،5 ملن باررەلگە قىسقارتا دەگەندى سەنىمدى ايتىپ وتىر.

ولاردىڭ بولجامى بويىنشا ماۋسىمدا ترانزاكتسياعا قاتىسۋشى ەلدەردىڭ جيناقتالعان تومەندەۋى تاۋلىگىنە 9 ميلليون باررەلدەن اسۋى كەرەك.

ءساۋىر ايىندا Fitch Brent ماركالى مۇنايدىڭ ورتاشا جىلدىق باعاسىنىڭ باررەلىنە 35 دوللار دەڭگەيىندە بولاتىنىن بولجام جاساعان بولاتىن. سونىمەن بىرگە، 2020 جىلدىڭ سوڭىندا باررەلىنە 45 دوللارعا دەيىن، 2021 جىلعا قاراي  باررەلىنە 53 دوللارعا دەيىن كوتەرىلەدى دەپ ۇمىتتەنىپ وتىر.

سوڭعى جاڭالىقتار

ۇقساس جاڭالىقتار