ءسابي بىردەن تولەبي اۋدانى لەڭگىر قالالىق جۇقپالى اۋرۋلار اۋرۋحاناسىنا جەتكىزىلىپ, ەكى اپتا بويى ەم قابىلداعان. بىلىكتى دارىگەرلەردىڭ شۇعىل تۇردە انىقتاپ, دەر كەزىندە ەمدىك شارا كورسەتۋىنىڭ ارقاسىندا ءسابي كوروناۆيرۋس ىندەتىنەن ايىعىپ شىقتى. دارىگەرلەر وكپەنىڭ 2 بىردەي قاۋىپتى دەرتپەن زاقىمدالعانى بالا ومىرىنە ۇلكەن قاۋىپ توندىرگەنىن ايتادى. قازىر ول COVID-19 ينفەكتسياسىنان ەمىن تولىعىمەن اياقتاپ, تالداماسىنىڭ "تەرىس" بولۋىنا بايلانىستى "وبلىستىق فتيزيوپۋلمونولوگيا ورتالىعىندا" تۋبەركۋلەزگە قارسى ەمىن جالعاستىرۋدا.
"وكپە اۋرۋىنا ۇشىراعان ازاماتتار ونسىز دا ءالسىز كەلەدى. ناۋقاستاردى بارىنشا سovid-19 ينفەكتسياسىنان قورعاۋعا تىرىسامىز. بارلىق ساقتىق شارالارى قامتاماسىز ەتىلگەن. اۋرۋحانادا ءتىپتى كوروناۆيرۋستى ەرتە انىقتاۋ ماقساتىندا ارنايى ۆيرۋسولوگيالىق زەرتحانا قىزمەت كورسەتەدى. زەرتحانا سوڭعى ۇلگىدەگى اپپاراتتارمەن جابدىقتالعان. ماماندارىمىز ونى جاقسى مەڭگەرىپ, حالىققا كورسەتىلەتىن مەديتسينالىق قىزمەت ساپاسىن ارتتىرۋعا ءوز ۇلەستەرىن قوسۋدا", - دەيدى "وبلىستىق فتيزيوپۋلمونولوگيا ورتالىعىنىڭ" باس دارىگەرى بولاتحان ساعىمبەكوۆ.
ايتا كەتەلىك, تۇركىستان وبلىسىندا بۇگىنگى كۇنگە دەيىن كوروناۆيرۋس ىندەتىن 1 جاسقا دەيىنگى 10 بالا جۇقتىرعان. ولاردىڭ سەگىزى جازىلىپ شىقتى. ەكەۋى ينفەكتسيالىق گوسپيتالداردا ەم قابىلداۋدا.
تۇركىستان وبلىسى
