"ازات ازاماتوۆ ىشكى ىستەر ورگاندارىندا 2014 جىلدىڭ 30 ساۋىرىنەن 2020 جىلدىڭ 21 مامىرىنا دەيىن پاترۋلدىك پوليتسيا ينسپەكتورى بولىپ جۇمىس ىستەگەن. جول اپاتىنان 4 كۇن بۇرىن ول ءوز ەركىمەن قىزمەتىنەن كەتكەن. جاۋاپكەرشىلىگىنىڭ تومەن بولۋىنا بايلانىستى قىزمەت ەتكەن جىلدارى 4 رەت تارتىپتىك جازاعا تارتىلىپ, بىردە-ءبىر رەت ىنتالاندىرۋ سىياقىسىن الماعان. جول اپاتى كەزىندە ول ماس بولعان. ونى سوت-ناركولوگيالىق ساراپتاما كورسەتتى. ساراپتاما قورىتىندىسىنا سايكەس, ول ورتاشا دارەجەلى ماس بولعان. 25 مامىرداعى جول اپاتىنان سوڭ, جەكە قۇراممەن پروفيلاكتيكالىق جۇمىس اقساپ تۇرعاندىعى تۋرالى قورىتىندى شىعارىلدى. ودان بولەك, باق-قا جاڭساق اقپارات بەرىلگەنىنە بايلانىستى سىن ايتىلدى", - دەدى پوليتسيانىڭ ءباسپاسوز قىزمەتى.
ەستەرىڭىزگە سالا كەتەيىك, الماتى وبلىسىنىڭ قاراساي اۋدانىنا قاراستى كوكساي شاعىن اۋدانىنىڭ اۋماعىندا كولىك اپاتى بولىپ, قاپەلىمدە ەكى ءتارتىپ ساقشىسى ءتىل تارتپاي كەتتى. وقيعا ورنىندا ءۇشىنشى قىزمەتكەردىڭ جاراقات العانى بەلگىلى بولعان ەدى. كەشەء ۇشىنشى پوليتسەيدىڭ ەسىن جيعانى تۋرالى اقپارات شىقتى.
