كانادانىڭ ۆانكۋۆەر قالاسىنىڭ عالىمدارى جاقىندا «تيتانيكتىڭ» اپاتقا ۇشىراۋىنىڭ جاڭا سەبەبىن جۇرتشىلىققا ۇسىندى. ولار مۇنى Sky and Telescope جۋرنالىندا جاريالادى. بۇل تۋرالى Lenta.ru حابارلادى.
زەرتتەۋشىلەر جۇمىس شەڭبەرىندە 1912 جىلى 1400 جىلدا ءبىر رەت قايتالاناتىن اسپان دەنەلەرىنىڭ زەڭگىر جۇزىندە سيرەك كورفيگۋراتسياسىنىڭ تۇزىلگەنىن انىقتادى. وسىلايشا 1912 جىلعى 3 قاڭتاردا جەر كۇنگە بارىنشا جاقىن تۇراتىن پەريگەلياعا كەلىپ توقتادى دا, كەلەسى كۇنى اي ونىڭ گراۆيتاتسيالىق ىقپالى كۇنمەن كۇشەيە تۇسەتىن پوزيتسياعا ورنالاستى.
وسىنىڭ سالدارىنان ايدىڭ جەرگە ىقپالى جوعارىلىعى جاعىنان رەكوردتىق مولشەرگە جەتتى. ءوز كەزەگىندە بۇل گرەنلاندياداعى مۇزدىقتاردان وراسان زور مولشەردە ايسبەرگتەردىڭ سىندىرىلىپ شىعۋىنا جول سالىپ بەردى. مىنە, وسى الىپ ڭوڭدەردىڭ ءبىرى اتى اڭىزعا اينالعان لاينەرمەن سوقتىعىسىپ قالدى. قاراڭعىدا زور مۇز كوشكىنىنە سوققان كەمە قاتتى زاقىمعا ۇشىراپ, اقىر سوڭىندا بىرتىندەپ سۋعا باتىپ كەتتى.
ەسكە سالا كەتەيىك, ايتۋلى اپات 1912 جىلعى 14 ساۋىردە اتلانت مۇحيتىندا ورىن العان ەدى. پاروحودتىڭ بورتىندا سول ساتتە 2200 ادام بولىپتى. ءارتۇرلى دەرەكتەر بويىنشا, بۇلاردان 1400-دەن 1517 ادامعا دەيىن قازا تاپقان.
مۇرات ايتقوجا.
