قازاقستان رەسپۋبليكاسىنىڭ كەيبىر كونستيتۋتسيالىق زاڭدارىنا كونستيتۋتسيالىق مەرزىمدەردى ەسەپتەۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى
1-باپ. قازاقستان رەسپۋبليكاسىنىڭ مىنا زاڭنامالىق اكتىلەرىنە وزگەرىستەر مەن تولىقتىرۋلار ەنگىزىلسىن:
1. «قازاقستان رەسپۋبليكاسىنداعى سايلاۋ تۋرالى» 1995 جىلعى 28 قىركۇيەكتەگى قازاقستان رەسپۋبليكاسىنىڭ كونستيتۋتسيالىق زاڭىنا (قازاقستان رەسپۋبليكاسى جوعارعى كەڭەسىنىڭ جارشىسى, 1995 ج., № 17-18, 114-قۇجات; قازاقستان رەسپۋبليكاسى پارلامەنتىنىڭ جارشىسى, 1997 ج., № 12, 192-قۇجات; 1998 ج., № 7-8, 71-قۇجات; № 22, 290-قۇجات; 1999 ج., № 10, 340-قۇجات; № 15, 593-قۇجات; 2004 ج., № 7, 45-قۇجات; 2005 ج., №7-8, 17-قۇجات; 2006 ج., № 23, 138-قۇجات; 2007 ج., № 12, 85-قۇجات; 2009 ج., № 2-3, 5-قۇجات; 2010 ج., № 11, 55-قۇجات; 2011 ج., № 3, 30-قۇجات):
1) 69-باپتىڭ 3-تارماعى مىناداي مازمۇنداعى ەكىنشى بولىكپەن تولىقتىرىلسىن:
«رەسپۋبليكا پرەزيدەنتىنىڭ پارلامەنتتى تاراتۋ تۋرالى اكتىسى قولدانىسقا ەنگىزىلگەن كۇن دەپۋتاتتاردىڭ كەزەكتەن تىس سايلاۋى وتكىزىلۋگە ءتيىس مەرزىمنىڭ باستالۋ كەزى بولىپ تابىلادى. بۇل مەرزىم ەكى اي وتكەن سوڭ اياقتالادى. ەگەر مەرزىمنىڭ اياقتالۋى ءتيىستى كۇن سانى جوق ايعا تۋرا كەلەتىن بولسا, وندا مەرزىم وسى ايدىڭ سوڭعى كۇنىندە اياقتالادى.»;
2) 85-باپتىڭ 3-تارماعى مىناداي مازمۇنداعى ەكىنشى بولىكپەن تولىقتىرىلسىن:
«رەسپۋبليكا پرەزيدەنتىنىڭ پارلامەنتتى نەمەسە پارلامەنت ءماجىلىسىن تاراتۋ تۋرالى اكتىسى قولدانىسقا ەنگىزىلگەن كۇن دەپۋتاتتاردىڭ كەزەكتەن تىس سايلاۋى وتكىزىلۋگە ءتيىس مەرزىمنىڭ باستالۋ كەزى بولىپ تابىلادى. بۇل مەرزىم
ەكى اي وتكەن سوڭ اياقتالادى. ەگەر مەرزىمنىڭ اياقتالۋى ءتيىستى كۇن سانى جوق ايعا تۋرا كەلەتىن بولسا, وندا مەرزىم وسى ايدىڭ سوڭعى كۇنىندە اياقتالادى.».
2. «قازاقستان رەسپۋبليكاسىنىڭ پارلامەنتى جانە ونىڭ دەپۋتاتتارىنىڭ مارتەبەسى تۋرالى» 1995 جىلعى 16 قازانداعى قازاقستان رەسپۋبليكاسىنىڭ كونستيتۋتسيالىق زاڭىنا (قازاقستان رەسپۋبليكاسى جوعارعى كەڭەسىنىڭ جارشىسى, 1995 ج., № 21, 124-قۇجات; قازاقستان رەسپۋبليكاسى پارلامەنتىنىڭ جارشىسى, 1997 ج., № 7, 78-قۇجات; 1999 ج., № 4, 100-قۇجات; № 10, 342-قۇجات; 2006 ج., № 23, 137-قۇجات; 2007 ج., № 12, 83-قۇجات):
1) 6-باپتىڭ 4-تارماعى مىناداي مازمۇنداعى ەكىنشى بولىكپەن تولىقتىرىلسىن:
«جۇمىس كۇندەرى دەپ دەمالىس نەمەسە مەرەكە (ۇلتتىق جانە مەملەكەتتىك مەرەكەلەر) كۇندەرى بولىپ تابىلمايتىن كۇندەردى ءتۇسىنۋ كەرەك.»;
2) 18-باپتىڭ 3-تارماعى مىناداي مازمۇنداعى ەكىنشى بولىكپەن تولىقتىرىلسىن:
«جىل» دەگەن ۋاقىت كەزەڭى دەپ وسى تارماققا قاتىستى العاندا اعىمداعى جىلدى (1 قاڭتار - 31 جەلتوقسان ارالىعى) ءتۇسىنۋ كەرەك.»;
3) 19-باپتىڭ 2-تارماعى مىناداي رەداكتسيادا جازىلسىن:
«2. پارلامەنت قابىلداعان زاڭدار قابىلدانعان كۇنiنەن باستاپ ون كۇننiڭ iشiندە پارلامەنت پالاتالارىنىڭ ارقايسىسى توراعاسىنىڭ قولدارىمەن, سونداي-اق ەگەر زاڭ جوباسىن ۇكiمەت ەنگiزسە, پرەمەر-مينيستردiڭ قولىمەن الدىن الا بەكەمدەلiپ, رەسپۋبليكا پرەزيدەنتiنiڭ قول قويۋىنا ۇسىنىلادى, ول پارلامەنت سەناتى ۇسىنعان زاڭعا ءبىر اي iشiندە قول قويادى, ونى جاريالايدى نە زاڭدى نەمەسە ونىڭ جەكەلەگەن باپتارىن قايتا تالقىلاۋ جانە داۋىسقا سالۋ ءۇشiن پارلامەنتكە قايتارادى. قازاقستان رەسپۋبليكاسى پرەزيدەنتىنىڭ زاڭدارعا قول قويۋى ءۇشىن بەرىلەتىن ءبىر ايلىق مەرزىم قازاقستان رەسپۋبليكاسىنىڭ پرەزيدەنتى زاڭدى العان كۇننەن باستاپ ەسەپتەلەدى جانە كەلەسى ايدىڭ ءتيىستى كۇنىندە (كۇن سانىندا) اياقتالادى. ەگەر مەرزىمنىڭ اياقتالۋى ءتيىستى كۇن سانى جوق ايعا تۋرا كەلەتىن بولسا, وندا مەرزىم وسى ايدىڭ سوڭعى كۇنىندە اياقتالادى.»;
4) 20-باپتىڭ 1-تارماعى مىناداي رەداكتسيادا جازىلسىن:
«1. رەسپۋبليكا پرەزيدەنتىنىڭ قارسىلىعىن تۋعىزعان زاڭدار نەمەسە زاڭنىڭ باپتارى بويىنشا قايتا تالقىلاۋ جانە داۋىسقا سالۋ ءبىر اي مەرزىم ىشىندە وتكىزىلەدى, بۇل مەرزىم قارسىلىقتار جىبەرىلگەن كۇننەن باستالادى جانە كەلەسى ايدىڭ ءتيىستى كۇنىندە (كۇن سانىندا) اياقتالادى. ەگەر مەرزىمنىڭ اياقتالۋى ءتيىستى كۇن سانى جوق ايعا تۋرا كەلەتىن بولسا, وندا مەرزىم وسى ايدىڭ سوڭعى كۇنىندە اياقتالادى. قازاقستان رەسپۋبليكاسى كونستيتۋتسياسى 59-بابىنىڭ 4-تارماعىندا جانە 61-بابىنىڭ 2-تارماعىندا كوزدەلگەن جاعدايلاردى قوسپاعاندا, ءبىر ايلىق مەرزىم, ەگەر ول ۋاقىتى جاعىنان قازاقستان رەسپۋبليكاسى كونستيتۋتسياسىنىڭ 59-بابىنىڭ 3-تارماعىندا بەلگىلەنگەن پارلامەنت جۇمىسىنىڭ سەسسيا وتەتىن كەزەڭىمەن سايكەس كەلمەيتىن بولسا, ۇزىلەدى.
بۇل مەرزىمنىڭ ساقتالماۋى پرەزيدەنت قارسىلىقتارىنىڭ قابىلدانعانىن بىلدىرەدى.»;
5) 36-باپتىڭ 2-تارماعى مىناداي مازمۇنداعى ەكىنشى بولىكپەن تولىقتىرىلسىن:
«رەسپۋبليكا پرەزيدەنتىنىڭ پارلامەنتتى نەمەسە پارلامەنت ءماجىلىسىن تاراتۋ تۋرالى اكتىسى قولدانىسقا ەنگىزىلگەن كۇن كورسەتىلگەن ءبىر جىلدىق مەرزىمنىڭ باستالۋ كەزى بولىپ تابىلادى. بۇل مەرزىم كەلەسى جىلدىڭ ءتيىستى ايىندا جانە كۇن سانىندا اياقتالادى. ەگەر مەرزىمنىڭ اياقتالۋى ءتيىستى كۇن سانى جوق ايعا تۋرا كەلەتىن بولسا, وندا مەرزىم وسى ايدىڭ سوڭعى كۇنىندە اياقتالادى.».
3. «قازاقستان رەسپۋبليكاسىنىڭ كونستيتۋتسيالىق كەڭەسi تۋرالى» 1995 جىلعى 29 جەلتوقسانداعى قازاقستان رەسپۋبليكاسىنىڭ كونستيتۋتسيالىق زاڭىنا (قازاقستان رەسپۋبليكاسى جوعارعى كەڭەسىنىڭ جارشىسى, 1995 ج., № 24, 173-قۇجات; قازاقستان رەسپۋبليكاسى پارلامەنتىنىڭ جارشىسى, 2004 ج., № 22, 129-قۇجات; 2008 ج., № 10-11, 34-قۇجات):
24-باپ مىناداي رەداكتسيادا جازىلسىن:
«24-باپ. كونستيتۋتسيالىق كەڭەستiڭ وتiنiشتەردi قاراۋ مەرزiمدەرi كونستيتۋتسيالىق كەڭەس iس جۇرگiزۋگە قابىلدانعان ءوتiنiشتi كەلiپ تۇسكەن كۇنىنەن باستاپ كەلەسى ايدىڭ ءتيىستى كۇنىندە (كۇن سانىندا) اياقتالاتىن بiر اي iشiندە قارايدى جانە ول بويىنشا قورىتىندى شەشiم شىعارادى. ەگەر مەرزىمنىڭ اياقتالۋى ءتيىستى كۇن سانى جوق ايعا تۋرا كەلەتىن بولسا, وندا مەرزىم وسى ايدىڭ سوڭعى كۇنىندە اياقتالادى.
ەگەر ماسەلەنi كەيiنگە قالدىرۋعا بولماسا, رەسپۋبليكا پرەزيدەنتiنiڭ جازباشا نىساندا باياندالعان تالابى بويىنشا قورىتىندى شەشىم قابىلداۋ ءۇشىن بەرىلەتىن ءبىر ايلىق مەرزiم كۇنتىزبەلىك ون كۇنگە دەيiن قىسقارتىلۋى مۇمكiن.
كونستيتۋتسيالىق كەڭەس ءبىر-بىرىمەن ءوزارا بايلانىستى وتىنىشتەردى ءبىر ءىس جۇرگىزۋگە بىرىكتىرگەن جاعدايدا, قورىتىندى شەشىم شىعارۋ ءۇشىن كونستيتۋتسيادا كوزدەلگەن ءبىر ايلىق مەرزىم سوڭعى ءوتىنىش كەلىپ تۇسكەن كۇننەن باستاپ ەسەپتەلەدى.».
2-باپ. وسى كونستيتۋتسيالىق زاڭ العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ پرەزيدەنتى ن.نازارباەۆ.
استانا, اقوردا, 2013 جىلعى 3 قازان. № 133-V قرز.
