«سامۇرىق-قازىنا» اق باسقارماسى كەزەكتى وتىرىسىندا ءۇش ماسەلەنى تالقىلادى. ءسويتىپ, ءبىرىنشى جارتىجىلدىق پەن قوردىڭ 2012-2022 جىلدارعا ارنالعان دامۋ ستراتەگياسىنىڭ ورىندالۋ بارىسى تۋرالى ەسەپتەرى تىڭدالدى.
جينالىستا قوردىڭ كومپانيالار توبىنىڭ اكىمشىلىك-باسقارۋ قىزمەتكەرلەرىنىڭ سانىن قىسقارتۋ, سونداي-اق ەنشىلەس كومپانيالاردا كورپوراتيۆتى باسقارۋدى جەتىلدىرۋ شارالارى دا قاراستىرىلدى.
«سامۇرىق-قازىنا» اق باسقارماسى كەزەكتى وتىرىسىندا ءۇش ماسەلەنى تالقىلادى. ءسويتىپ, ءبىرىنشى جارتىجىلدىق پەن قوردىڭ 2012-2022 جىلدارعا ارنالعان دامۋ ستراتەگياسىنىڭ ورىندالۋ بارىسى تۋرالى ەسەپتەرى تىڭدالدى.
جينالىستا قوردىڭ كومپانيالار توبىنىڭ اكىمشىلىك-باسقارۋ قىزمەتكەرلەرىنىڭ سانىن قىسقارتۋ, سونداي-اق ەنشىلەس كومپانيالاردا كورپوراتيۆتى باسقارۋدى جەتىلدىرۋ شارالارى دا قاراستىرىلدى. «سامۇرىق-قازىنا» اق-تىڭ باسقارۋشى ديرەكتورى نۇرلان راحمەتوۆتىڭ سوزىنە قاراعاندا, بيىل قوردىڭ كومپانيالار توبىندا 2356 اكىمشىلىك قىزمەتكەردى جۇمىسىنان بوساتۋ كوزدەلىپتى. بۇل شارا مەملەكەت باسشىسىنىڭ ۇلتتىق كومپانيالارداعى باسقارۋ اپپاراتتارىنىڭ قۇرىلىمدارىن وڭتايلاندىرۋعا بايلانىستى 2012 جىلدىڭ باسىندا بەرگەن تاپسىرماسىن ورىنداۋ ماقساتىندا قولعا الىنىپ وتىر ەكەن. وتكەن جىلى قور كومپانيالارىندا 2210 قىزمەتكەر جۇمىستان قىسقارتىلىپتى. سونىمەن, بىلتىرعى جىلدىڭ قورىتىندىسى بويىنشا اكىمشىلىك-باسقارۋ ۇجىمى 29 790 ادامدى قۇراعان. قىزمەتكەرلەردى قىسقارتۋدىڭ ناتيجەسىندە ەڭبەكاقىعا جۇمسالاتىن شىعىندار 7 ملرد. تەڭگەگە ازايعان.
وتىرىستا قور توبىنداعى كورپوراتيۆتىك باسقارۋدى جەتىلدىرۋگە باعىتتالعان بىرقاتار قۇجاتتار دا ماقۇلداندى. اتاپ ايتقاندا, ەنشىلەس ۇيىمدارىن باسقارۋ جونىندەگى رەگلامەنت, 2014 جىلعا ارنالعان كورپوراتيۆ كۇنتىزبەسى, سونداي-اق قوردىڭ ديرەكتورلار كەڭەسىنەن جانە ەنشىلەس كومپانيالاردىڭ باقىلاۋ كەڭەستەرىنەن كەلەر جىلعا جاساعان بولجامدارى بەكىتىلدى. كورسەتىلگەن قۇجاتتار ەكونوميكاسى دامىعان ەلدەردىڭ كورپوراتيۆتى باسقارۋ تاجىريبەلەرى نەگىزىندە دايىندالعان. بۇيىرتسا, وسى قۇجاتتار اكتسيا يەلەنۋشى رەتىندە كومپانيالارمەن قارىم-قاتىناستى جۇيەلەندىرۋگە باعىتتالادى. ءسويتىپ, قور قىزمەتىندەگى بارلىق باسقارۋ ۇردىستەرىن بايلانىستىرىپ, ديرەكتورلار كەڭەسىنىڭ ۋاكىلدىكتەرىن كۇشەيتپەك. سونىمەن بىرگە, قوردىڭ ستراتەگيالىق حولدينگ ۇلگىسىنە وتۋىنە جاعداي جاسايتىن كورىنەدى. بۇل باستامالار قور توبىنداعى كورپوراتيۆتى باسقارۋدى جەتىلدىرۋدەگى باتىل قادامدار بولىپ وتىر.
قور باسقارماسى ءبىرىنشى جارتىجىلدىقتا دامۋ ستراتەگياسىن جۇزەگە اسىرۋ جونىندەگى ءىس-شارالار جوسپارىنىڭ ورىندالۋ ناتيجەلەرىمەن دە تانىستى. بۇل جوسپار 11 ءىرى ەنشىلەس ۇيىمنىڭ ستراتەگيالىق كورسەتكىشتەرى مەن ينۆەستيتسيالىق جوبالارىن قامتيدى. ەسەپكە قاراعاندا, جىلدىڭ العاشقى جارتىسىندا 217 ءىس-شارا جۇزەگە اسىرىلىپتى.
نۇرباي ەلمۇراتوۆ,
«ەگەمەن قازاقستان».
