قىزىل-جاسىل تالدىرمادان تەكەمەت ءتۇرىن ويىپ, بىرنەشە ءتۇستى جىپتەردى قازىق اينالدىرا جۇگىرتىپ باۋ-باسقۇر قۇرىپ, الۋان ءت ۇلى جۇندەردەن وي سالىپ, شي توقىعان ولاردىڭ شەبەرلىگىن بۇگىنگى ۇرپاق تەك مۋزەيلەردەن قىزىقتاپ جۇرگەنى جاسىرىن ەمەس. ال ولاردىڭ جاسالۋ تەحنولوگياسى – ۇلكەن عىلىم, كوزبەن كورىپ, قولمەن جاساماسا, مەڭگەرتۋى قيىن جۇمباق سىر.
سوندىقتان كەشەگى شەبەر انالاردىڭ كوزىن كورىپ, تاعىلىمىن العان, «ىستەگەنىڭ ماعان جاقسى – ۇيرەنگەنىڭ وزىڭە جاقسى» دەپ ۇلكەندەردىڭ جۇمساعانىن قالت جىبەرمەي تىڭداپ وسكەن شەبەرلەر ءا.ساعىناەۆا مەن گ.بالعاباەۆا بۇگىندە ءوز كورگەن-بىلگەندەرىن قىزىعۋشىلىق تانىتىپ, ىنتا بىلدىرگەندەرگە ۇيرەتۋمەن كەلەدى. جۋىردا ماڭعىستاۋ وبلىسىنىڭ مادەنيەت, تىلدەردى دامىتۋ جانە ارحيۆ ءىسى باسقارماسىنىڭ قولداۋىمەن, «التىن ويماق» قولونەردى قولداۋ قوعامدىق قورىنىڭ ۇيىمداستىرۋىمەن ۇمىتىلىپ بارا جاتقان قازاق ءداستۇرلى قولونەرىن جاڭعىرتۋ جانە تۇرعىنداردى كاسىپكەرلىككە باۋلۋ ماقساتىندا ء«جۇندى جانە ءجىپتى تابيعي جانە حيميالىق جولمەن بوياۋ تاسىلدەرى» اتتى ترەنينگ ءوتتى.
اقشۇقىر اۋىلىندا وتكەن ترەنينگكە قىزىعۋشىلىق تانىتقاندار كوپ بولعانمەن, توتەنشە جاعداي تارتىبىنە ساي نەبارى 15 ادام عانا قاتىسۋ مۇمكىندىگىنە يە بولدى.
قاتىسۋشىلارعا تاجىريبەلى قوس ترەنەر بوياۋ تۇرلەرى, ونى تاڭداۋ, ءجۇن مەن ءجىپتى بوياۋ تاسىلدەرى, تابيعي بوياۋدىڭ ەرەكشەلىكتەرى تۋرالى, وزگە دە بوياۋعا قاتىستى بىلگەندەرىن ايتتى. مىسالى, تەكەمەت باسۋدا تەكەمەتتىڭ تاڭدالعان ءتۇسى مەن وعان جاراسىمدى بوياۋ تۇرلەرى, سونداي-اق اق باسقۇر مەن قىزىل باسقۇر توقۋداعى قولدانىلاتىن ءجىپ تۇستەرى تۋرالى ايتىلىپ, ءجۇن مەن ءجىپتى بوياۋ تاجىريبە تۇرىندە كورسەتىلدى.
ترەنينگكە قاتىسۋشىلار ۇيرەتۋشىلەرگە ريزاشىلىقتارىن ءبىلدىرىپ, ساباقتىڭ قىزىقتى وتكەنىنە قۋاندى. كەشە اۋىل-ايماقتا ءجۇن بوياپ, باۋ توقىپ, سىرعالاق اينالدىرۋ, وزگە دە قولونەر تۇرلەرىمەن اينالىسپايتىن قىز-كەلىنشەككە توسىرقاي قارايتىن ەلدىڭ بۇگىنگى ۇرپاعى بۇل ونەرلەردى تەك ەل ىشىندەگى بىرەن-ساران جاسى ۇلكەندەردەن ەستىپ-ءبىلىپ, ءىس-تاجىريبەسىن كورسە تاڭعالاتىن دارەجەدەمىز. زامان اعىمى, ۋاقىت تالابىنىڭ ءيىرىمى اسەر ەتپەي قويمايتىن دا بولار, دەگەنمەن ءتول ونەردى وگەيسىتپەگەن جاقسى. وسى ورايدا بابا ءداستۇردى دارىپتەپ جۇرگەن ءا.ساعىناەۆا مەن گ.بالعاباەۆاعا جۇرتشىلىق تاراپىنان بەك ريزاشىلىق بار.
ماڭعىستاۋ وبلىسى
