ءتارتىپ ساقشىسى تۇركىستانداعى «وتىرار» شاعىن اۋدانىنداعى ۇيلەردىڭ بىرىنەن شىققان ورتتەن ءۇش ازاماتتى امان الىپ شىققان. دەرەۋ كومەككە بارعان ولار ۇيدەن ەگدە جاستاعى ەكى قاريا مەن ونىڭ قىزىن قۇتقارعان. ءورت ءسوندىرۋ قىزمەتى مەن جەدەل جاردەم شاقىرىپ, زارداپ شەككەندەرگە مەديتسينالىق كومەك كورسەتكەن. قۋانىشقا وراي, ءۇي يەلەرى زارداپ شەككەن جوق.
– قاسىمدا ەكى اسكەري ەرىكتى بولدى. ياعني شاحرۋح جۋرابەكوۆ پەن ماقسات جۇمانازاروۆ ەسىمدى جىگىتتەرمەن وزىمىزگە بەرىلگەن اۋماقتاعى قوعامدىق تىنىشتىقتى قاداعالاپ جۇرگەن بولاتىنبىز. «وتىرار» شاعىن اۋدانىنداعى ۇيلەردىڭ ءبىرىنىڭ كىرە بەرىسىنەن ءتۇتىن شىعىپ, حالىق شۋلاپ كەتتى. دەرەۋ بارىپ ىشكە ەندىك. ءۇي تۇرعىندارىن قاۋىپسىز اۋماققا شىعارىپ, كومەك كورسەتتىك, – دەيدى ول.
ابىروي بولعاندا زارداپ شەككەندەر جوق. تۇرعىندار دا تەز ارادا كومەككە كەلگەن ءتارتىپ ساقشىلارىنا ريزاشىلىقتارىن ايتىپ, العىستارىن بىلدىرگەن.
ادىلبەك كەلەس اۋدانىندا دۇنيەگە كەلگەن. جەرگىلىكتى جەردەگى مەكتەپتى بىتىرگەن سوڭ, قوستانايدا جوعارى ءبىلىم الادى. ىشكى ىستەر سالاسىنداعى ەڭبەك جولىن ۋچاسكەلىك پوليتسيا ينسپەكتورى بولىپ باستايدى. جۇمىسقا ورنالاسقانىنا ءالى جىل تولماعان ءتارتىپ ساقشىسى, قىزمەت بابىندا قىراعىلىعىمەن كوزگە ءتۇسىپ, كوپشىلىكتىڭ ىستىق ىقىلاسىنا بولەندى.
ۋچاسكەلىك پوليتسيا ينسپەكتورى قازىرگى كەزدە وزىنە بەلگىلەنىپ بەرىلگەن اۋماقتىڭ تىنىشتىعىن كۇزەتۋ, قوعامدىق ءتارتىپتى قامتاماسىز ەتۋ جانە قىلمىستىڭ الدىن الۋ باعىتىندا ەڭبەك ەتىپ ءجۇر.
– جۇمىس بارىسىندا حالىقپەن تىعىز قارىم-قاتىناس ورناتامىز. ماسەلەلەرىن تىڭداپ, جاعدايدى ۇنەمى باقىلاۋدا ۇستايمىز. حالىققا ءاردايىم كومەك بەرىپ, قولداۋ كورسەتۋ – ءبىزدىڭ ازاماتتىق بورىشىمىز, – دەيدى پوليتسيا لەيتەنانتى.
قايرات زاينيشەۆ
