پارا العانى تۋرالى كۇدىكتى بولعان الماتى مەملەكەتتىك سەرۆيس جانە تەحنولوگيا كوللەدجىنىڭ ديرەكتورى ماران تاقاباەۆ قىلمىس ۇستىندە قولعا تۇسەر ساتىندە ءوزى وتىرعان كابينەتتىڭ تەرەزەسىنەن سىرتقا سەكىرىپ كەتىپ, جازىم بولا جازدادى. ابىروي بولعاندا, كابينەت عيماراتتىڭ ەكىنشى قاباتىندا ورنالاسقان ەكەن, ودان جەرگە سەكىرىپ تۇسكەن ازامات امان قالدى.
پارا العانى تۋرالى كۇدىكتى بولعان الماتى مەملەكەتتىك سەرۆيس جانە تەحنولوگيا كوللەدجىنىڭ ديرەكتورى ماران تاقاباەۆ قىلمىس ۇستىندە قولعا تۇسەر ساتىندە ءوزى وتىرعان كابينەتتىڭ تەرەزەسىنەن سىرتقا سەكىرىپ كەتىپ, جازىم بولا جازدادى. ابىروي بولعاندا, كابينەت عيماراتتىڭ ەكىنشى قاباتىندا ورنالاسقان ەكەن, ودان جەرگە سەكىرىپ تۇسكەن ازامات امان قالدى.
قازاقپاراتتىڭ حابارلاۋىنشا, اتالمىش وقۋ ورنىنىڭ باسشىسىن ۇستاۋ وپەراتسياسىن قارجى پوليتسياسى جەدەل ىزدەستىرۋ شاراسى اياسىندا جۇرگىزىپتى. قۇقىق قورعاۋ ورگانى قىزمەتكەرلەرى ونىڭ پارا الىپ جاتقان جەرىندە كەلىپ قالعان ەكەن. سوسىن ديرەكتور بۇدان قۇتىلۋدىڭ جالعىز جولى تەرەزەدەن سەكىرىپ كەتۋ دەپ ەسەپتەسە كەرەك.
دەرەككوز انىقتاعانداي, كوللەدج ديرەكتورى 2007 جىلدان بەرى اسحانا بولمەسىن جالداپ وتىرعان كاسىپكەردەن اي سايىن 200 مىڭ تەڭگە اقشا الىپ كەلگەن. قازىر پاراقور باسشى اۋرۋحانادا جاتقان كورىنەدى. «ول قالقاماندا ەمدەلىپ جاتىر. الىپ بارا جاتقان جاراقاتى جوق. بىراق ميى شايقالعان», دەلىنگەن حابارلامادا.
58 جاستاعى تاقاباەۆ اتالمىش كوللەدجدى 2005 جىلدان بەرى باسقارىپ كەلەدى. ول سونداي-اق, قازاقستان پارلامەنتى سەناتىنىڭ دەپۋتاتتىعىنا ءۇمىتكەر كورىنەدى.
قۇرىش نۇرىمبەت.
