وبلىس ورتالىعىندا «جاستار تازا تۇركىستان ءۇشىن!» تاقىرىبىندا وتكەن ايماقتىق العاشقى پلوگگينگ مارافونىنا قاتىسۋشىلار الدىمەن قالاداعى «جەڭىس» ساياباعىنا جينالىپ, اتالمىش مارافوننىڭ تارتىبىمەن تانىستى.
بەلسەندى جاستار توپتارعا ءبولىنىپ, وزدەرىنە تيەسىلى اۋماقتاردى جۇگىرىپ ءوتۋ ارقىلى قوقىس جيناۋدان جارىسقا قاتىستى. پلوگگينگ – قاشاندا قورشاعان ورتانى قورعاۋ ۇدەرىستەرىمەن بايلانىستا بولۋ دەگەندى بىلدىرەدى, ياعني الەمدىك تاجىريبەدە جاستار اراسىندا تانىمال شارا.
بيىل وڭىردە العاش رەت وتكەن پلوگگينگ مارافونىنا قالادان 40-قا جۋىق ەرىكتى مەن جاستار قاتىستى. ءبىر ساعاتتا «جەڭىس» ساياباعىنان سالماعى 300 كەلىدەن 4 قاپ قوقىس جينالدى. وبلىستىق جاستار ورتالىعىنىڭ باسشىسى ا. ءومىرتايدىڭ مالىمدەۋىنشە, مارافون تۇراقتى تۇردە ۇيىمداستىرىلىپ, وبلىس كولەمىندە جالعاسىن تاباتىن بولادى.
تۇركىستان وبلىسى
