«اۋىل - ەل بەسىگى» جوباسى اياسىندا 53 رەزيدەنتسيا قۇرىلدى. 520 جوبانىڭ قۇنى 34 ملرد تەڭگەنى قۇرادى. ول: اۋىلدىق مەكتەپتەر, جولدار, مەديتسينالىق امبۋلاتوريالار, كوشەنى جارىقتاندىرۋ, سپورت الاڭدارى, اۋىلدىق كلۋبتار جانە وزگە دە ينفراسترۋكتۋرالىق جوبالار. مۇنىڭ بارلىعى اۋىل تۇرعىندارى ءۇشىن. وڭىرلىك دامۋداعى نەگىزگى كۇش اۋىلدارعا جاسالادى. بۇل – «اۋىل - ەل بەسىگى» جانە «ديپلوممەن اۋىلعا» جوبالارى. تىرەك اۋىلدار ۇزاقمەرزىمدى الەۋەتىنە قاراي انىقتالادى. سونداي-اق, مونو, شاعىن قالالاردى دامىتۋ بويىنشا جوبالار جۇزەگە اسىرىلىپ جاتىر. 2019 جىلدان باستاپ «اۋىل - ەل بەسىگى» جوباسى جۇزەگە اسىرىلىپ كەلەدى. ول اۋىلداعى ءومىر ساپاسىن جاقسارتۋعا, اۋىل ايماقتاردىڭ قۇرىلىسى مەن ينفراقۇرىلىمىن دامىتۋعا باعىتتالعان. جوبانىڭ باستى ماقساتى – اۋىلداردى وڭىرلىك ستاندارتتارعا جەتكىزۋ. 2020 جىلى جوبانى قارجىلاندىرۋ 3 ەسەگە ارتىپ, قامتىلاتىن اۋىلدار 4 ەسەگە كەڭەيتىلدى. بۇل «اۋىل - ەل بەسىگى» باعدارلاماسى بويىنشا 98 ملرد تەڭگەنىڭ 920 جوباسىن جۇزەگە اسىرۋعا مۇمكىندىك بەرەدى. اتالعان جۇمىستار 216 اۋىلدى قامتيدى», - دەدى رۋسلان دالەنوۆ.
سونداي-اق مينيستر 2027 جىلدىڭ سوڭىنا دەيىن قاجەتتى ءىس-شارالار 3 561 اۋىلدا جۇزەگە اسىرىلاتىنىن جەتكىزدى.
