اگروونەركاسىپ كەشەنىندە جاڭا ساقتاندىرۋ جۇيەسى ىسكە قوسىلدى

2004-جىلدان بەرى وسىمدىك شارۋاشىلىعىن مىندەتتى ساقتاندىرۋ جۇيەسى جۇمىس ىستەپ كەلگەن بولاتىن. ال, مىنا جاڭا جۇيە ودان ەرەكشە بولماق.

بىرىنشىدەن, اگروونەركاسىپ كەشەنىندەگى ساقتاندىرۋ ەندى ەرىكتى تۇردە بولادى. ەكىنشىدەن, سالالارعا شەكتەۋ جوق. اگرارلىق سەكتوردىڭ كەز كەلگەن باعىتى ساقتاندىرىلادى. ۇشىنشىدەن, ساقتاندىرۋ سىياقىلارىن مەملەكەت سۋبسيديالايدى. بۇل اۋىل شارۋاشىلىعى تاۋارلارىن وندىرۋشىلەردى ىنتالاندىرۋعا جانە ساقتاندىرۋ شارتىن جەڭىلدەتۋگە باعىتتالعان. ساقتاندىرۋ سىياقىسوماسىنىڭ 50 %-ىن مەملەكەت سۋبسيديالايدى. ول ۇشىن بيىل رەسپۋبليكالىق بيۋدجەتتەن 2,5 ملرد تەڭگە ءبولىندى.

- جاڭا جۇيەنى ازىرلەۋ كەزىندە وسىمدىك شارۋاشىلىعىنداعى مىندەتتى ساقتاندىرۋدىڭ پروبلەمالىق ماسەلەلەرى ەسكەرىلدى, - دەيدى «اۋىل شارۋاشىلىعىن قارجىلاي قولداۋ قورى» اق باسقارۋشى ديرەكتورى – باسقارما مۇشەسى اسقار قاليەۆ. - ماسەلەن, اۋىل شارۋاشىلىعى تاۋارىن وندىرۋشىلەردىڭ مۇددەلەرىن قورعاۋ ماقساتىندا جۇيەدە قازاقستان رەسپۋبليكاسىنىڭ قارجى نارىعىن رەتتەۋ جانە دامىتۋ جونىندەگى اگەنتتىكتىڭ ليتسەنزياسى بار ساقتاندىرۋ كومپانيالارى عانا جۇمىس ىستەي الادى.

جاڭا جۇيەدە الەمدىك ساقتاندىرۋ نارىعىندا «ا» رەيتينگى بار ءۇش حالىقارالىق قايتا ساقتاندىرۋ كومپانياسى جۇمىس ىستەيتىن بولدى. ولار وتاندىق كومپانيالار ساقتاندىراتىن تاۋەكەلدەردى قايتا ساقتاندىرادى. بۇل ساقتاندىرۋ تاۋەكەلدەرى تۋىنداعان جاعدايدا كەپىلدى تولەمدەردى قامتاماسىز ەتۋگە مۇمكىندىك بەرەدى.

شارت جاساسۋدان باستاپ تولەممەن اياقتالاتىن بارلىق پروتسەدۋرالار ەلەكتروندى تسيفرلىق قولتاڭبا ارقىلى Qoldau.kz ەلەكتروندى پلاتفورماسىندا جۇرگىزىلەدى. پروتسەستەردى اۆتوماتتاندىرۋ ادامي فاكتوردى ازايتادى جانە جۇمىستىڭ اشىقتىعىن قامتاماسىز ەتەدى.

ىلعال دەڭگەيىنىڭ مونيتورينگى تۇراقتى نەگىزدە جۇرگىزىلەدى جانە ساقتاندىرۋ جاعدايىنىڭ دەرەكتەرى اۆتوماتتى تۇردە تىركەلەدى.

ساقتاندىرۋ جاعدايى تۋىنداعانى تۋرالى Qoldau.kz جۇيەسىندەگى جەكە كابينەتىنە نەمەسە جەكە ەلەكتروندى پوشتاسىنا كەلگەن حابارلامانى العاننان كەيىن ساقتانۋشى (اۋىل شارۋاشىلىعى ءونىمىن ءوندىرۋشى) تولەم جاسايتىن ساقتاندىرۋشىعا (ساقتاندىرۋ كومپانياسىنا) ءوتىنىش بەرەدى.

بۇرىنعى جۇيەدەگى الىنعان دەرەكتەر بويىنشا ساقتاندىرۋ جاعدايلارىنىڭ 60 %-تەن استامى ىلعالدىڭ جەتىسپەۋىنەن, ياعني قۇرعاقشىلىققا قاتىستى بولدى. وسىعان بايلانىستى ونىمدى قۇرعاقشىلىقتان ساقتاندىرۋ ەرەكشە ماڭىزعا يە. سونداي-اق ەگىس ناۋقانىنىڭ اياقتالۋ مەرزىمى دە ەسكەرىلەدى.

ىلعالدىڭ جەتىسپەۋ قاۋپىنەن ساقتاندىرۋ ءۇشىن اۋىل شارۋاشىلىعى تاۋارىن وندىرۋشىلەر بيىل 15 ماۋسىمعا دەيىن ساقتاندىرۋ شارتىن جاساسۋى قاجەت. ساقتاندىرۋ كەزەڭى 3 ايدى قامتيدى. ياعني,15-مامىردان 15 تامىزعا دەيىنگى ارالىق ەسەپكە الىنادى.

ىلعالدىڭ شامادان تىس بولۋىنا قاتىستى ساقتاندىرۋ كەلىسىمشارتىن 15 تامىزعا دەيىن بەكىتۋ قاجەت. ساقتاندىرۋ 2020-جىلدىڭ 15 تامىزىنان 15 قىركۇيەگىنە دەيىنگى ارالىقتا جۇرگىزىلەدى.

الداعى ۋاقىتتا اگروونەركاسىپ كەشەنىندەگى ساقتاندىرۋ ونىمدەرىنىڭ نارىقتاعى قاجەتتىلىگى ەسكەرىلىپ,ء تىزىمى كەڭەيتىلەتىن بولادى.