• 04 قازان, 2013

بوكستان قازاقستاننىڭ بيىلعى چەمپيوناتى اتىراۋدا وتەدى

334 رەت

كورسەتىلدى

1 مين

وقۋ ءۇشىن

Egemen Qazaqstan

boxing-atyrau-2013-1

بوكستان قازاقستاننىڭ ەرەسەكتەر اراسىنداعى بيىلعى چەمپيوناتى 22-29 قاراشا ارالىعىندا اتىراۋ قالاسىندا وتەدى. بۇل تۋرالى قازاقستان بوكس فەدەراتسياسىنىڭ ءباسپاسوز قىزمەتى حابارلادى. شەشىم 30 قىركۇيەك كۇنى الماتىدا وتكەن قازاقستان بوكس فەدەراتسياسىنىڭ اتقارۋشى كوميتەتى وتىرىسىندا قابىلداندى. ەلىمىز بوكس فەدەراتسياسىنىڭ ۆيتسە-پرەزيدەنتى دانيار ابىلعازيننىڭ توراعالىعىمەن وتكەن وتىرىستىڭ كۇن تارتىبىندە بوكستان الماتىدا ەرەسەكتەر اراسىندا وتەتىن الەم چەمپيوناتىنا دايىندىق جانە الەم بىرىنشىلىگى الدىنداعى ۇلتتىق قۇرامانىڭ جاتتىعۋ جيىندارىن ۇيىمداستىرۋ ماسەلەلەرى قارالدى. ال قازاقستان چەمپيوناتىن قابىلداۋعا اتىراۋ جانە وڭتۇستىك قازاقستان وبلىستارىنىڭ فەدەراتسيالارىنان ءوتىنىش تۇسكەن ەكەن. داۋىسقا سالۋ ناتيجەسىندە باسىمدىق بۇلاردىڭ الدىڭعىسىنا بەرىلدى. وتىرىستا سونداي-اق, قازاقستان بوكس فەدەراتسياسىنىڭ مۇشەلەرى, ەلىمىزدىڭ جاسوسپىرىمدەر قۇراماسىنىڭ اعا جاتتىقتىرۋشىسى قايرات ءساتجانوۆ, كيەۆتە وتكەن الەم چەمپيوناتىندا التىن مەدال جەڭىپ العان ابىلايحان ءجۇسىپوۆ پەن راحات مارجىقپاەۆ ماراپاتقا يە بولدى. رۋسلان يگىلىك.