جارتى جىل بۇرىن ومىردەن وزعان اكتەر اندرەي پانين ءوزىنىڭ ارتىنا ءبىراز جۇمباق قالدىرىپ كەتكەن سەكىلدى. بۇل تۋرالى «جيزن» گازەتى ماسەلە كوتەردى.
پوليتسيا ول ۇيىندە كەزدەيسوق قۇلاعان كەزدە باسىنان قاتتى سوققى العان دەگەن قورىتىندىعا كەلدى. ال اكتەردىڭ جاقىندارى مەن تۋىستارى ونىڭ قايعىلى ولىمىنە ءالى كۇنگە دەيىن سەنەر ەمەس.
«اندرەي ۇنەمى سۋرەت سالاتىن, – دەيدى ونىڭ اناسى اننا گريگورەۆنا پانينا. –سول تۋىندىلارىنا قول قويمايتىن جانە وزگەلەرگە كورسەتە بەرمەيتىن».
ونىڭ سۋرەتتەرىندە ارتىق دەنە مۇشەلەرى بار تۇسىنىكسىز ادامدار, ءتۇرلى قۇبىجىقتار بەينەلەنگەن. اندرەيدىڭ ەڭبەكتەرىن زەرتتەگەن ونەرتانۋشىلار مەن پسيحولوگتار ونىڭ تۋىندىلارىندا ءتىرى كەزىندەگى كۇيزەلىسىنىڭ سىرلارى بولۋى مۇمكىن دەگەندى ايتادى. سونداي-اق اكتەردىڭ كەيبىر سۋرەتتەرىنە قاراعاندا, ول ءوزىنىڭ ءولىمىن الدىن الا سەزگەن سياقتى...
ايدار ورىسباەۆ.
