ا. شاكىروۆ ەلدىڭ سىرتقى ساياسي باعىتىن عىلىمي-تالدامالىق سۇيەمەلدەۋدىڭ تيىمدىلىگى, ەڭ الدىمەن, قازىرگى زامانعى سىن-قاتەرلەر مەن قازاقستاننىڭ ستراتەگيالىق مۇددەلەرىنىڭ تىكەلەي كونتەكستىندەگى زەرتتەلەتىن پروبلەمالاردىڭ ۋاقتىلىعى مەن وزەكتىلىگىنە بايلانىستى ەكەنىن اتاپ ءوتتى. وسى ۇدەرىستەر 2020-2030 جىلدارعا ارنالعان سىرتقى ساياساتتىڭ تۇجىرىمداماسىنان, پرەزيدەنت قاسىم-جومارت توقاەۆتىڭ تاپسىرمالارىمەن بايلانىستى باسقا دا باعدارلامالىق قۇجاتتاردان باستاۋ الادى.
قاتىسۋشىلار ينستيتۋتتىڭ الداعى جىلدارعا ارنالعان دامۋ جوسپارىنىڭ ورىندالۋ بارىسىن تالقىلاپ, ونىڭ ۇيىمدىق قۇرىلىمىنا وزگەرىستەر ەنگىزىپ, سونداي-اق زەرتتەۋ جۇمىسىنىڭ باسىم باعىتتارىن انىقتادى.
ءوز كەزەگىندە سىرتقى ىستەر ءمينيسترى مۇحتار تىلەۋبەردى ينستيتۋت مەملەكەت باسشىسىنىڭ تاپسىرماسىن ورىنداۋ ماقساتىندا قۇرىلعانىن ەرەكشە اتاپ ءوتتى. ونىڭ ماقساتى جەتەكشى جاھاندىق ويىنشىلار اراسىنداعى تۇراقسىزدىق پەن قايشىلىقتاردىڭ شيەلەنىسۋى جاعدايىندا سىرتقى ساياسي ۇدەرىستەردى ساپالى زەرتتەۋدى ۇيىمداستىرۋ, سونداي-اق سىرتقى ساياسي ماسەلەلەردى زەردەلەۋدى جۇيەلەۋ ماقساتىندا ءسىم اقپاراتتىق-تالداۋ جۇمىس كەشەنىن كۇشەيتۋ بولىپ تابىلادى. مينيستر ديرەكتورلار كەڭەسىنە اتقارعان جۇمىسى ءۇشىن العىسىن ءبىلدىرىپ, الداعى ۋاقىتتا دا تابىس تىلەدى.
اعىمداعى جىلدىڭ باسىنان باستاپ «سسزي» اق 45 اقپاراتتىق-تالداۋ ماتەريالدارىن دايىنداپ, ولاردىڭ جارتىسىنان استامى پرەزيدەنت اكىمشىلىگىنە, تۇڭعىش پرەزيدەنت – ەلباسى جانە پرەمەر-مينيستر كەڭسەسىنە جىبەرىلدى. سونىمەن قاتار, ينستيتۋت ونىمدەرى قازاقستاننىڭ سىرتقى ساياساتىنىڭ باسىم باعىتتارىن جۇزەگە اسىرۋ, الەمدىك ساياسات پەن ەكونوميكادا, ۇلتتىق جانە حالىقارالىق قاۋىپسىزدىك سالاسىندا وزەكتى ترەندتەردى انىقتاۋ بويىنشا پراكتيكالىق ۇسىنىمداردى ازىرلەۋ كەزىندە ءسىم قۇرىلىمدىق بولىمشەلەرى تاراپىنان سۇرانىسقا يە بولدى.
