قىتاي فەرمەرلەرى 5 كيلو تارتاتىن ەگەۋقۇيرىق ۇستادى. بۇل تۋرالى «paranormal-news.ru» حابارلادى.
كۋاگەرلەردىڭ ايتۋى بويىنشا, ەگەۋقۇيرىق بالىقتى تولىعىمەن جۇتىپ جەيدى. سونداي-اق ونىڭ سۇيەكتەرى قاتتى جانە تەرىسى وتە قالىڭ كورىنەدى. ورتاشا ەگەۋقۇيرىقتان ون ەسە ۇلكەن بۇل جانۋاردى ەڭ العاش رەت حۋنان پروۆينتسياسى شەنيان اۋىلىنىڭ تۇرعىندارى توعاندا بايقاپ قالعان. جەرگىلىكتى تۇرعىندار ونىڭ سول توعاننان 3 كيلو تارتاتىن بالىقتى ۇستاپ, ونى جاعالاۋعا الىپ شىعىپ تولىعىمەن جۇتىپ قويعانىن كورگەن.
فەرمەرلەر بىرىگىپ, اۋىلعا ۇرەي تۋعىزىپ جۇرگەن ەگەۋقۇيرىقتى ۇستاۋعا بەكىنگەن. بىرنەشە كۇن بويى ونىڭ ىزىنە تۇسكەن اڭشىلار اقىرى الىپ ەگەۋقۇيرىقتى تورعا تۇسىرەدى. الايدا, ولار ەگەۋقۇيرىقتان تاماق ازىرلەمەك بولىپ, ونى سويۋعا تىرىسقان كەزدە ەكى پىشاقتى سىندىرىپ العان ەكەن.
ايدار ورىسباەۆ.
