بۇگىن, 4 قازان كۇنى قازاقستاننىڭ تۇڭعىش دەربەس پروكۋرورى, بەلگىلى قوعام قايراتكەرى, قۋعىن-سۇرگىن قۇربانى, سىر ەلىنىڭ پەرزەنتى سۇلەيمەن ەسقاراەۆتىڭ تۋعانىنا 115 جىل تولۋىنا ارنالعان ءىس-شارا وتكىزىلدى. بۇل تۋرالى وبلىستىق پروكۋراتۋرانىڭ ءباسپاسوز حاتشىسى اقمانات شايمەردەنوۆا حابارلادى.
شاراعا قاتىسۋشىلار الدىمەن وبلىستىق پروكۋراتۋرا عيماراتى الدىنا ورناتىلعان س. ەسقاراەۆ ەسكەرتكىشىنىڭ اشىلۋ ءراسىمى بولدى. ول سۋرەتشىلەر وداعىنىڭ مۇشەسى, «مادەنيەت سالاسىنىڭ ۇزدىگى» مۇراتباي ۇمبەتوۆتىڭ قولىنان شىققان. ال ەسكەرتكىشتىڭ اشىلۋ سالتاناتى الدىندا «ۇلتتىڭ رۋح تۇلعاسى» اتتى تەاترلاندىرىلعان قويىلىم كورسەتىلدى. سودان سوڭ قازاقستان باس پروكۋرورىنىڭ ورىنباسارى نۇرماحانبەت يساەۆ باس پروكۋرور اسحات داۋىلباەۆتىڭ وسى وقيعاعا ارناعان ىزگى لەبىزىن جەتكىزدى. بۇدان كەيىن وبلىس اكىمى قىرىمبەك كوشەرباەۆ, وبلىستىق ارداگەرلەر كەڭەسىنىڭ توراعاسى سەيىلبەك شاۋحامانوۆ ءسوز سويلەپ, س.ەسقاراەۆ تاريحتا الاتىن ەرەكشە ورنى تۋرالى اڭگىمەلەدى. شاراعا س. ەسقاراەۆتىڭ قىزى ماريەتتا ەسقاراەۆا, نەمەرەسى مارات بايمۇحانوۆ جانە باسقا دا تۋىستارى, پروكۋراتۋرا ورگاندارىنىڭ ارداگەرلەرى تاعى باسقالار قاتىستى.
كەلەسى كەزەكتە وبلىستىق پروكۋراتۋرا عيماراتىندا س.ەسقاراەۆ اتىنداعى ۆەدومستۆولىق مۇراجايدىڭ اشىلۋى دا بولىپ ءوتتى. س. ەسقاراەۆ مۇراجايى قىزىلوردا وبلىستىق پروكۋراتۋراسىنىڭ باستاماسىمەن دايىندالدى. مۇراجايدا تاۋەلسىز قازاقستاننىڭ قالىپتاسۋ كەزەڭى مەن قىزىلوردا وبلىسىنىڭ جانە پروكۋراتۋرا ورگاندارىنىڭ دامۋ تاريحى, سۇلەيمەن ەسقاراەۆتىڭ ءومىرى مەن قىزمەتىنە قاتىستى دەرەكتەر ساقتالعان.
شارا اياسىندا «س.ەسقاراەۆ: تاۋەلسىز قازاقستان پروكۋراتۋراسىنىڭ قالىپتاسۋى مەن دامۋى اتتى عىلىمي-پراكتيكالىق كونفەرەنتسيا ءوتتى. وندا وبلىس اكىمى قىرىمبەك كوشەرباەۆ, باس پروكۋراتۋرانىڭ س. ەسقاراەۆ اتىنداعى ينستيتۋتى ديرەكتورىنىڭ ورىنباسارى, زاڭ عىلىمدارىنىڭ دوكتورى, پروفەسسور ەسبەرگەن الاۋحانوۆ, تاريح عىلىمدارىنىڭ كانديداتى باۋىرجان ەڭسەپوۆ, زاڭ عىلىمدارىنىڭ كانديداتى ەرلان التاەۆ, قورقىت اتا اتىنداعى قىزىلوردا مەملەكەتتىك ۋنيۆەرسيتەتىنىڭ ستۋدەنتى اقەركە الماتقىزى بايانداما جاسادى.
كونفەرەنتسيا اياسىندا س. ەسقاراەۆتىڭ ءومىرى مەن قىزمەتىنە ارنالعان «تارلانبوز» كىتابى مەن دەرەكتى ءفيلمىنىڭ تۇساۋكەسەرى بولدى.
رەسپۋبليكامىزدىڭ پروكۋراتۋرا ورگاندارى مەن ىشكى ىستەر جۇيەسىن مەن ءوز قولىمەن قۇرعان سۇلەيمەن ەسقاراەۆتىڭ 115 جىلدىق مەرەيتويىن ەسكەرە وتىرىپ, قىزىلوردا وبلىستىق پروكۋراتۋراسى باس پروكۋراتۋرانىڭ قولداۋىمەن دارا تۇلعانىڭ ەرەن ەڭبەگىن ماڭگى ەستە قالدىرۋ ماقساتىندا «تارلانبوز» كىتابىن شىعارۋدى قولعا الدى.
«تارلانبوز» كىتابىنىڭ رەداكتسيالىق القاسىن وبلىس پروكۋرورى, اعا ادىلەت كەڭەسشىسى ساپاربەك نۇرپەيىسوۆ باسقاردى.
كونفەرەنتسيا بارىسىندا وبلىس اكىمى قىرىمبەك كوشەرباەۆ C.ەسقاراەۆتىڭ 115 جىلدىق مەرەيتويلىق توسبەلگىلەرىن تاپسىردى.
سوڭىنان س. ەسقاراەۆ جۇلدەسى ءۇشىن بولىپ وتكەن سپورت تۋرنيرلەرىنىڭ جەڭىمپازدارى مەن جۇلدەگەرلەرى ماراپاتتالدى.
جاڭاگۇل سەردالى.
