بۇدان بولەك 2020 جىلى تكش جاڭعىرتۋ باعدارلاماسى بويىنشا 50-دەن استام كوپپاتەرلى تۇرعىن ءۇي كەشەنى جوندەلىپ, 100-دەن استام جەدەلساتىعا جوندەۋ جانە اۋىستىرۋ جۇرگىگىزىلەدى. جاڭعىرتۋ باعدارلاماسى – ول قايتارىلاتىن قارجى. مەملەكەت كۇردەلى جوندەۋگە قارجى بولەدى, كەيىن ول 15 جىل مەرزىمگە دەيىن تۇرعىنداردىڭ اراسىندا بولىنەدى.
وتكەن جىلى «نۇرلى جەر» باعدارلاماسى بويىنشا 8 اپاتتى ءۇيدىڭ تۇرعىندارى كوشىرىلىپ, 90-نان استام وتباسى جاڭا پاتەرگە قونىستاندى. سونىمەن بىرگە ۇيلەرى مۇناي بازاسىنا جاقىن ورنالاسقان 39 رازەزدىڭ تۇرعىندارى قاۋىپسىز جەرگە كوشىرىلدى.
