ايتۋلى سپورتشىنىڭ قول جەتكىزگەن تابىستارى قوماقتى. 1996 جىلى اتلانتا وليمپياداسىندا التىن مەن كۇمىس السا, 2000 جىلى سيدنەيدە باس جۇلدەنى ولجالادى. 2004 جىلى افينىدا قولاعا قول سوزدى. الەم چەمپيوناتتارىندا 3 التىن, 2 كۇمىس جانە 2 قولا مەدالدى يەلەندى. ەۋروپا بىرىنشىلىگىندە 5 التىن, 1 كۇمىس جانە 2 قولانى قورجىنعا سالدى. دۇنيەجۇزىلىك ۋنيۆەرسيادادا ەكى رەت تەڭدەسسىز دەپ تانىلدى.
2015 جىلدىڭ 6 ماۋسىمىندا كالۋگا وبلىسى اۋماعىندا كۆادروتسيكلدى تىزگىندەگەن داڭقتى سپورتشى قارسى باعىتقا شىعىپ كەتىپ, زىمىراپ كەلە جاتقان كولىكپەن سوقتىعىسادى. سول جەردە ول جان ءتاسىلىم ەتتى. سەرگەي شاريكوۆ نەبارى 40 جاستا ەدى...
