قازاقستان • 06 ماۋسىم، 2020

قازاقستاننىڭ سەرجانتتار كورپۋسى ءۇشىن 34،2 مىڭنان استام ماماندار دايارلاندى

5 رەت كورسەتىلدى

قورعانىس مينيسترلىگىنىڭ ءباسپاسوز قىزمەتى حابارلاعانداي، قارۋلى كۇشتەر سەرجانتتىق كورپۋسىنىڭ جالپى رەيتينگىسى بويىنشا قۇرلىق اسكەرلەرىنىڭ سەرجانتتارى الدا كەلەدى. ءارى قاراي اۋە قورعانىسى كۇشتەرى مەن اسكەري-تەڭىز كۇشتەرىنىڭ سەرجانتتارى. اسكەر تەكتەرى مەن وڭىرلىك قولباسشىلىقتار اراسىنداعى ۇزدىك ۇشتىككە «وڭتۇستىك» جانە «باتىس» وڭىرلىك قولباسشىلىقتارىنىڭ، سونداي-اق دەسانتتىق-شابۋىلشى اسكەرلەرىنىڭ سەرجانتتارى كىرەدى.  

2019 جىلدىڭ جەلتوقسان ايىنان اعىمداعى جىلدىڭ ساۋىرىنە دەيىنگى قىسقى وقۋ كەزەڭىندە ءبولىم كومانديرلەرىنىڭ دايارلىعى ءوتتى. شارا بارىسىندا ءبولىمدى باسقارۋ مەن ۇرىستا وق اتۋعا ەرەكشە نازار اۋدارىلدى. كادەت كورپۋسىنىڭ بازاسىندا روتا سەرجانتتارى بىلىكتىلىكتى ارتتىرۋ كۋرستارىنان ءوتتى، ال كادەتتەر قۇرلىق اسكەرلەرىندە اسكەري تاعىلىمدامادان ءوتتى. ولار بولاشاق سەرجانتتار رەتىندە ءبولىمدى باسقارۋ، جاۋىنگەرلىك وق اتۋ مەن جاۋىنگەرلىك تەحنيكانى جۇرگىزۋدە مول تاجىريبە جيناقتادى.   

سونىمەن بىرگە، ەنگىزىلگەن شەكتەۋلەر مەن سەرجانتتار قۇرامىنىڭ ەداۋىر بولىگىن توتەنشە جاعدايلار رەجيمىن قامتاماسىز ەتۋ ءۇشىن جۇمىلدىرىلعانىنا  بايلانىستى سەرجانتتاردى دايارلاۋدىڭ جەكەلەگەن ءىس-شارالارى نەعۇرلىم كەش مەرزىمگە اۋىستىرىلدى. ولاردىڭ ىشىندە اسكەري قىزمەت قاۋىپسىزدىگىن قامتاماسىز ەتۋ بويىنشا نۇسقاۋشىلاردى دايارلاۋ كۋرسى، روتالار، باتالون سەرجانتتارىنىڭ كۋرسى، قۇرلىق اسكەرلەرى، اۋە قورعانىسى كۇشتەرىنىڭ اۆياتسيالىق تەحنيكالارىنىڭ روتا، ۆزۆود، باتالون كومانديرلىك سەرجانتتارىن دايارلاۋ.

جازعى كەزەڭدە سەرجانت كورپۋسىنىڭ الدىندا كادرلاردى دايارلاۋ قىزمەتى مەن جۇيەسىن جەتىلدىرۋ، ساباقتاردى ۇيىمداستىرۋ مەن وتكىزۋدە سەرجانتتاردىڭ كاسىبيلىگىن ارتتىرۋ، جەكە قۇرامنىڭ اتىس جانە دەنە شىنىقتىرۋ دايارلىعى بويىنشا داعدىلارىن جاقسارتۋ بويىنشا ماڭىزدى مىندەتتەر تۇر. ارميا حالىقارالىق ويىندارى شەڭبەرىندەگى «الەم جاۋىنگەرى» حالىقارالىق بايقاۋىنا، قارۋلى كۇشتەردەگى ۇزدىك سەرجانت اتاعىنا بۇكىلارميالىق كونكۋرسقا، سەرجانتتار كەڭەسىنىڭ وتىرىسىنا قاتىسۋ كۇتىلۋدە.

سوڭعى جاڭالىقتار

NASA مارسكا قامداندى

تەحنولوگيا • كەشە

ۇقساس جاڭالىقتار