سپورت • 06 ماۋسىم، 2020

اتاقتى تەننيسشى بورن بورگ 64 جاسقا تولدى

11 رەت كورسەتىلدى

بۇگىن داڭقتى تەننيسشى بورن بورگتىڭ تۋعان كۇنى. ۇزاق جىلدار بويى الەمدىك رەيتينگتە كوش باستاپ، كوپتەگەن اسا ءىرى حالىقارالىق تۋرنيرلەردە توپ جارعان ساقا سپورتشى 64 جاسقا تولدى.

بورن 1956 جىلدىڭ 6 ماۋسىمىندا شۆەتسيانىڭ استاناسى – ستوكگولمنىڭ ىرگەسىندەگى سەدەرتەلە قالاسىندا دۇنيەگە كەلدى. اكەسى ۇستەل تەننيسىنىڭ حاس شەبەرى بولدى. سوعان ىلكتەگەن جەتكىنشەك سپورتتىڭ سوقپاعىنا ءتۇستى. الايدا ونىڭ تاڭداۋى ۇلكەن تەننيسكە ءتۇستى. جاستايىنان جاسىنداي جارقىراعان بورگ كوپ ۇزاماي ءوز ەلىنىڭ ماڭدايالدى تەننيسشىلەرىنىڭ بىرىنە اينالدى.

ۋاقىت وزا بورن بورگتىڭ مىقتىلىعىن كۇللى الەم مويىندادى. «ۇلكەن دۋلىعا» تۋرنيرلەرىندە بارلىعى 11 مارتە توپ جاردى. وعان تەك اۋستراليانىڭ اشىق بىرىنشىلىگىنىڭ باس جۇلدەسى عانا بۇيىرمادى. وزگە جارىستاردا بىرنەشە رەتتەن دارا شىقتى. اتر دودالارىندا 77 رەت جەڭىمپاز اتاندى. ءۇش رەت قورتىندى تۋرنيردە قارسىلاس شىداتپاي، دەۆيس كۋبوگىن دا يەلەندى. 1977 جىلدىڭ 23 تامىزىندا الەمنىڭ ءبىرىنشى راكەتكاسى اتانعان بورگ سول تۇعىردان 109 اپتا بويى تۇسكەن جوق.   

سوڭعى جاڭالىقتار

NASA مارسكا قامداندى

تەحنولوگيا • كەشە

ۇقساس جاڭالىقتار