سپورت • 06 ماۋسىم، 2020

گەننادي گولوۆكين «عاسىر ساڭلاقتارى» ساناتىندا

12 رەت كورسەتىلدى

يسپانيانىڭ Marca باسىلىمى ءححى عاسىرداعى ەڭ ۇزدىك 100 سپورتشىنىڭ رەيتينگىن جاريالاۋعا كىرىستى. ازىرگە 61-100 ورىنداردى يەلەنگەن ساڭلاقتاردىڭ عانا ەسىمدەرى بەلگىلى.

ءبىر قۋانىشتىسى، جوعارىداعى تىزىمدە قازاقستاننىڭ دا وكىلى بار. ول – گەننادي گولوۆكين. 38 جاستاعى قاراعاندى قالاسىنىڭ تۋماسى بوكستان اۋەسقويلار اراسىندا الەم جانە ازيا چەمپيونى، افينى وليمپياداسىنىڭ كۇمىس جۇلدەگەرى، ازيا ويىندارىنىڭ جەڭىمپازى اتاندى. الەم كۋبوگى جولىنداعى جارىستاردا ءبىر كۇمىس پەن ءبىر قولا مەدالدى يەلەندى.

GGG 2006 جىلدان بەرى كاسىپقويلار اراسىندا كۇش سىناسىپ ءجۇر. سول ارالىقتا 42 جەكپە-جەك وتكىزىپ، 40 رەت جەڭىسكە جەتتى. ءبىر رەت ۇتىلىپ، تاعى ءبىر كەزدەسۋدە تەڭ ەسەپ تىركەلدى. قازىرگى كەزدە ورتا سالماق دارەجەسىندە جۇدىرىقتاسىپ جۇرگەن جەرلەسىمىز IBF جانە IBO نۇسقالارى بويىنشا التىن بەلبەۋدىڭ يەگەرى. ال ءححى عاسىرداعى ەڭ ۇزدىك 100 سپورتشىسىنىڭ رەيتينگىندە گەننادي گولوۆكينگە 77 ورىندى يەلەنۋدە.

Marca باسىلىمى جاريالانعان رەيتينگتە ازىرگە 61-100 ورىنداردى يەلەنگەن سپورتشىلاردىڭ عانا ەسمدەرى بەلگىلى ەكەنىن ءبىز جوعارىدا ايتتىق. بۇل تىزىمگە مىنا ساڭلاقتار ەنىپ وتىر:

 

61.توني بوۋ (يسپانيا، موتوسپورت)
62. يۋدزيرا حانيۋ (جاپونيا، مانەرلەپ سىرعاناۋ)
63. ەشتون يتون (اقش، جەڭىل اتلەتيكا)
64. سيدني كروسبي (كانادا، حوككەي)
65. بەن ەينسلي ( ۇلىبريتانيا، جەلكەندى سپورت) 
66. رايان لوحتە (اقش، ءجۇزۋ)
67. يكەر كاسيلياس (يسپانيا، فۋتبول)
68. ستيۆ كارري (اقش، باسكەتبول)
69. وسكار فرەيرە (يسپانيا، ۆەلوسپورت)
70. مارتەن فۋركاد (فرانتسيا، بياتلون)
71. فرانسيسكو حاۆەر گومەس نويا (يسپانيا، ترياتلون)
72. دجەيمي دۋايەر (اۋستراليا، كوگالداعى حوككەي)
73. يرجي ەجەك (چەحيا، ۆەلوسپورت)
74. الەكس رودريگەس (اقش، بەيسبول)
75. لين دان (قىتاي، بادمينتون)
76. پاۋ گازول (يسپانيا، باسكەتبول)
77. گەننادي گولوۆكين (قازاقستان، بوكس)
78. كالەب درەسسەل (اقش، ءجۇزۋ)
79. حورحە لورەنسو (يسپانيا، موتوسپورت)
80. تاماش كاشاش (ماجارستان، سۋ دوبى)
81. روري ماكيلروي (سولتۇستىك يرلانديا، گولف)
82. توم بونەن (بەلگيا، ۆەلوسپورت)
83. ۋەيد ۆان نيكەرك (وار، جەڭىل اتلەتيكا)
84. مانۋ دجينوبيلي (ارگەنتينا، باسكەتبول)
85. ميككەل حانسەن (دانيا، گاندبول)
86. الەكس حوننولد (اقش، تاۋعا ورمەلەۋ)
87. دەن كارتەر (جاڭا زەلانديا، رەگبي) 
88. ستەن ۆاۆرينكا (شۆەيتساريا، تەننيس)
89. ادام پيتي ( ۇلىبريتانيا، ءجۇزۋ)
90. مو فارا ( ۇلىبريتانيا، جەڭىل اتلەتيكا)
91. لۋكا مودريچ (حورۆاتيا، فۋتبول)
92. فالكاو (برازيليا، فۋتزال)
93. لۋيس امادو (يسپانيا، فۋتزال)
94. توني پاركەر (فرانتسيا، باسكەتبول)
95. مارك كاۆەنديش ( ۇلىبريتانيا، ۆەلوسپورت)
96. برۋكس كەپكا (اقش، گولف) 
97. سەباستەن وجە (فرانتسيا، راللي)
98. ۆلاديمير كليچكو (ۋكراينا، بوكس)

99.كوسۋكە كيتادزيما (جاپونيا، ءجۇزۋ)
100. لۋكا دونچيچ (حورۆاتيا، باسكەتبول)

سوڭعى جاڭالىقتار

NASA مارسكا قامداندى

تەحنولوگيا • كەشە

ۇقساس جاڭالىقتار