ايماقتار • 06 ماۋسىم، 2020

ەكىباستۇز: مۋزىكا مەكتەبىندە 200-گە جۋىق ءان قورى ساقتالعان

24 رەت كورسەتىلدى

مەكتەپ ديرەكتورى مەدعات ماناپوۆتىڭ ايتۋىنشا، مەكتەپتە بالالارعا قوسىمشا ءبىلىم بەرۋ نەگىزىندە حالىقتىق، ەسترادالىق، كلاسسيكالىق باعىتتا 14 ماماندىق بويىنشا وقىتۋ جۇرگىزىلەدى.

زاماناۋي ۇلگىدەگى اكۋستيكالىق ەرەكشەلىگى ساقتالعان كابينەتتەر - 300 ورىندىق ۇلكەن زال مەن 40 ورىندىق كىشى زال، جەكە جانە توپتىق ساباقتارعا ارنالعان كابينەتتەر بار. سوڭعى ەكى جىلدا 15 جاس مۋزىكانت مامان كەلگەن. جاس مۇعالىم ءدىنيسلام تولباەۆ وقۋشىلار ءۇشىن مۋزىكالىق ادەبيەت پاندەرى بويىنشا ارنايى جوبا ازىرلەگەن.

بۇل جوبا ونلاين تەستىلەۋمەن بايلانىستى. وقۋشىلار ءاربىر ساباق بويىنشا جاڭا تاقىرىپتان كەيىن تەستىلەۋدەن سۇراققا جاۋاپ بەرىپ، باعا قويىلادى جانە قاتەمەن جۇمىس جۇرگىزىلەدى. وقۋشىلار تۋرالى بارلىق مالىمەت پەداگوگتىڭ كومپيۋتەرىندە ساقتالادى.

97

ال ەكىنشىسى-WhatsApp ارقىلى ءاربىر توپقا سىلتەمە جىبەرىلەدى. وقۋشىلار ءاربىر ۇلگىنى تىڭداپ شىعادى. پلاتفورمادا مۋزىكالىق ۆيكتورينا ۇيىمداستىرىلادى. سونداي-اق، مەكتەپتە « ۇلى دالانىڭ جەتى قىرى»، «دالا فولكلورى مەن مۋزىكاسىنىڭ مىڭ جىلى»، « ۇلى دالانىڭ اۋەنى» مەكتەپتىڭ باعدارلاماسى بويىنشا ساباقتار  وتەدى.

فولكلور كابينەتى «رۋحاني جاڭعىرۋ» « ۇلى دالا اۋەنى» دالا فولكلورىنىڭ 1000 جىلدىعى اياسىندى اشىلعان. مۇندا 200-گە جۋىق ءان قورى ساقتالعان. قوردا  تۇرمىس-سالت اندەرى، كەنجەعالي مىرجاقبايدىڭ اباي اندەرىنە جازعان، كۇلاش بايسەيىتوۆا، روزا باعلانوۆا، بيبىگۇل تولەگەنوۆا سياقتى  انشىلەرىنىڭ اۋديوجازبالارى ساقتالعان. بۇل قوردى كەز كەلگەن وقۋشى مەن وقىتۋشى، قالاداعى مۋزىكا زەرتتەۋشى، عىلىمي جۇمىسپەن اينالىساتىن وقۋشىلار پايدالانا الادى. سونىمەن قاتار قورداعى 1939 جىلى جازىلعان دينا نۇرپەيىسوۆانىڭ كۇيىنىڭ وريگينالىن تىڭداۋعا بولادى.   

ابايدىڭ 175 جىلدىعى، ءابۋ-ناسىر ءال-ءفارابيدىڭ 1150 جىلدىعى مەن التىن وردانىڭ 750 جىلدىعىنا ارنالعان ءىس شارالار جوسپارى ازىرلەنۋدە. جۋىردا «دالا فولكلورى» اياسىندا فولكور ءانسامبلى قۇرىلىپ، كيىم تىگىلدى جانە رەپەرۋتار تاڭدالعان.

 

 

ەكىباستۇز قالاسى

سوڭعى جاڭالىقتار

NASA مارسكا قامداندى

تەحنولوگيا • كەشە

ۇقساس جاڭالىقتار